Жиі қойылатын сұрақтар
Мемлекеттік қызметшінің клиентке бағдарлануы оның лауазымдық өкілеттігін жүзеге асыруы кезінде, оның ішінде мемлекеттік қызметтерді көрсету кезінде қамтамасыз етіледі, жеке және заңды тұлғалардың құқықтары, бостандықтары мен заңды мүдделері ескеріле отырып, олармен тиімді өзара іс-қимыл жасау үшін қажетті жағдайлар жасауға бағытталған талаптар жиынтығын қамтиды.
Сонымен, мемлекеттік қызметші Қазақстан Республикасының заңнамасында белгіленген мерзімде жеке және заңды тұлғалардың жолданымдарын қарауға және өзінің лауазымдық өкілеттігі шегінде оларға толық әрі жан-жақты жауап ұсынуға міндетті.
Сонымен қатар, мемлекеттік қызметші жеке және заңды тұлғалардың құқықтарын, бостандықтары мен заңды мүдделерін іске асыруды, оның ішінде:
1) егер олардың құқықтары туындаған кезді айқындау мүмкін болса және оның келісімі болғанда, олардың жолданымынсыз;
2) жеке және (немесе) заңды тұлғалардың өзара байланысты бірнеше құқығын бір уақытта іске асыруды қамтамасыз ету мүмкін болған жағдайда, бір жолданым негізінде;
3) егер Қазақстан Республикасының заңдарында өзгеше көзделмесе, жеке тұлғалардың тұрғылықты жеріне немесе заңды тұлғалардың орналасқан жеріне қарамастан;
4) өтініш берушіге жолданымда және қоса берілген құжаттарда жол берілген қателерді, дәлсіздіктерді немесе сәйкессіздіктерді жою, сондай-ақ жеткіліксіз құжаттарды не қолданылу мерзімі өткен құжаттарды ұсыну Қазақстан Республикасының нормативтік құқықтық актісінде көзделген болса, оларды ұсыну мүмкіндігін беру арқылы жолданымды формальды негіздер бойынша қараудан бас тартуға жол бермей қамтамасыз етуге бағытталған, мемлекеттік органның қызметін ұйымдастыру жөніндегі шараларды қабылдауға міндетті.
Мемлекеттік қызметті өткеру мемлекеттік қызметшіге қазақстандық патриотизм, кәсібилік, клиентке бағдарлану, ашықтық, әдептілік және мінсіз бедел, сондай-ақ құқық бұзушылықтарға және мүдделер қақтығысына төзбеушілік талаптарын қояды.
Бұл қағидат лауазымды адамға жеке және заңды тұлғалардың құқықтарын іске асырудан бас тартуға, оларды шектеуге не тоқтатуға, сондай-ақ формальды негіздер мәселені мәні бойынша қарауға кедергі келтірмесе, талаптарды тек қана осындай негіздер бойынша белгілеуге және қоюға бағытталған әрекеттерді жүзеге асыруға тыйым салуды білдіреді.
Бұл қағидатҚазақстан Республикасының азаматтарын мемлекеттік қызметке іріктеу олардың кәсіптік құзыреттері, лауазымдық міндеттерін тиімді орындауы, біліктілік талаптарына сай болуы негізінде білдіреді.
Қазақстан Республикасының мемлекеттік қызмет саласындағы заңнамасының қағидаттары:
1)заңдылық;
2)адамның және азаматтың құқықтары мен бостандықтарының басымдығы;
3)есептілік, бақылауда болу және жауапкершілік;
4)мемлекеттік қызметке қол жеткізуге тең құқық;
5)рәсімдердің ашықтығы;
6)меритократия;
7)формальды талаптарды асыра пайдалануға тыйым салу;
8)мемлекеттік қызметшілерді кәсіби тұрғыдан дамыту үздіксіздігі;
9)құқықтық және әлеуметтік қорғалу;
10)Қазақстан Республикасының заңдарында белгіленген өзге де қағидаттар.
Қазақстан Республикасының мемлекеттік қызметі – мемлекеттік органдарда ақы төленетін мемлекеттік лауазымдарды атқаратын және осы Заңда және Қазақстан Республикасының өзге де нормативтік құқықтық актілерінде көзделген мемлекеттік қызметтің мақсаты мен ерекшеліктеріне сәйкес мемлекеттің функциялары мен міндеттерін және (немесе) мемлекеттік органдардың өкілеттігін іске асыруға бағытталған лауазымдық өкілеттікті жүзеге асыратын Қазақстан Республикасы азаматтарының кәсіптік қызметі.
Тестілеуді тестілеу залдарында өтуге болады.
Егер Сізде онлайн форматта тестілеуден өту үшін тұрақты интернетке немесе қажетті техникалық жабдыққа қолжетімділік болмаса, тестілеуді арнайы жабдықталған тестілеу залдарында өтуге болады.
Алғашқы бұзушылық кезінде – 1 айға, қайталап бұзған жағдайда – 6 айға.
Тестілеуден өту талаптарын бұзу анықталған жағдайда кандидатқа бір ай мерзімге шектеу қойылады. Талаптарды қайталап бұзған жағдайда шектеу алты ай мерзімге белгіленеді.
Бұл тіркеулер автоматты түрде қалыптасады және бірден бұзушылық болып саналмайды.
Тестілеуден өту барысында прокторинг жүйесі кандидаттың қозғалыстарын, сондай-ақ дыбыстық фонды автоматты түрде тіркейді. Бұл тіркеулер бұзушылық болып саналмайды, тек тіркеу сипатында болады. Тестілеу аяқталғаннан кейін бейнежазба бір тәулік ішінде проктор тарапынан тексеріледі, тексеру нәтижелері бойынша бұзушылықтардың бар-жоғы туралы шешім қабылданады.
JivoChat арқылы қолдау қызметіне дереу хабарласу қажет.
Техникалық ақаулар туындаған жағдайда сайттың төменгі бөлігінде орналасқан JivoChat (тәулік бойы, 24/7) арқылы қолдау қызметіне дереу хабарласу қажет. Өтініште мәселені толық сипаттап, скриншоттарды қоса тіркеу қажет. Жүйе тарапынан ақау расталған жағдайда кандидат қайта жазылады. Егер мәселе кандидатқа байланысты себептерден (интернет, жабдық және т.б.) туындаса, қайта жазылу жүргізілмейді.