Жиі қойылатын сұрақтар
Қазіргі уақытта коронавирустық инфекцияның алдын алу, сондай-ақ таралуына жол бермеу мақсатында, Қазақстан Республикасының аумағында карантиндік шаралар ерекше өкімге дейін сақталады. Атап айтқанда, Қазақстан Республикасының кеден органдары қызметкерлерінің сыртқы экономикалық қызметке қатысушылармен өзара іс-қимылын барынша азайту шаралары қабылданды.
Осыған байланысты, кедендік алып жүруді жүзеге асыру уақытша мүмкін емес.
Бұл ретте кедендік баждардың, салықтардың төленуін қамтамасыз етуді орындау «ҚР Кедендік реттеу туралы» Қазақстан Республикасы Кодексінің 97-бабында көзделген тәсілдермен қамтамасыз етілуі мүмкін.
Навигациялық пломбаларды енгізу тауарлар мен көлік құралдарының шекарасынан өтуді жеделдетуге, сондай-ақ спутниктік жүйелерді пайдалана отырып, олардың жүру жолында орын ауыстыруды қадағалауға мүмкіндік береді, осының есебінен тасымалдаушы үшін кедендік рәсімдерді оңайлатуға болады.
Оңайлатулар ең алдымен қаржылық кепілдіктерге, сондай-ақ ЕАЭО аумағы бойынша санкциялық тауарлардың кедергісіз қозғалысына қатысты болады.
ЖАДЫНАМА
кірістер мен мүлік туралы декларация бойынша
Декларация нысаны
270.00 – нысан – «Кірістер мен мүлік туралы декларация».
«Кірістер мен мүлік туралы декларацияны» кімге тапсыру қажет
2021 жылы активтері мен міндеттемелері туралы Декларацияны (250.00-нысан) ұсынған жеке тұлғалар күнтізбелік жыл үшін кірістері мен мүлкі туралы Декларацияны (270.00-нысан) жыл сайын ұсынуға міндетті.
«Кірістер мен мүлік туралы декларацияда» көрсетілетін мәліметтер
- Есепті күнтізбелік жылда алынған кірістер;
- Салықтық шегерімдер;
- Мүлікті сатып алу және (немесе) иеліктен шығару фактісі;
- Қазақстан Республикасынан тыс жерлердегі шетелдік банктердегі банк шоттарындағы ақша;
- Қазақстан Республикасынан тыс жерлердегі мүлік;
- Нотариалды куәландырылған шарт болған кезде дебиторлық және (немесе) кредиторлық берешек. ҚР Екінші деңгейдегі банктеріне берешек көрсетілмейді.
Маңызды!
Декларацияда табыстың келесі түрлері бойынша жеке табыс салығын (ЖТС) көрсету және есептеу қажет:
- мүліктік кіріс;
- Қазақстан Республикасынан тыс жерлердегі көздерден алынатын кірістер;
- салық агентінен алынбаған үй қызметкерлерінің табыстары;
- салық агенттері болып табылмайтын, Қазақстан Республикасында аккредиттелген шет мемлекеттің дипломатиялық және оларға теңестірілген өкілдіктерімен, шет мемлекеттің консулдық мекемелерімен жасалған еңбек шарттары (келісімшарттары) және (немесе) азаматтық-құқықтық шарттар бойынша жұмыскердің кірісі;
- Қазақстан Республикасы ратификациялаған халықаралық шарттарға сәйкес төлем көзінен жеке табыс салығын есептеу, ұстау және аудару жөніндегі міндеттемеден босатылған халықаралық және мемлекеттік ұйымдармен, шетелдік және қазақстандық үкіметтік емес қоғамдық ұйымдармен және қорлармен жасалған еңбек шарттары (келісімшарттары) және (немесе) азаматтық-құқықтық шарттар бойынша жұмыскердің табысы;
- кәсіпқой медиатордың табысын қоспағанда, медиатордың кірісі;
- жеке қосалқы шаруашылықтан түскен табыс.
Ескертпе
Табыстардың осы түрлерін кірістері мен мүлкі туралы декларацияда көрсету және олар бойынша ЖТС есептеу кезінде 240.00 нысандағы декларацияны табыс ету талап етілмейді (Салық кодексінің 363-бабы 1-тармағы 9) тармақшасының екінші абзацы).
Бұдан басқа, жеке тұлғалар кірістер мен мүлік туралы декларацияда есепті салық кезеңі ішінде келесі мүлікті сатып алуға арналған шығыстарды жабу көздері туралы мәліметтерді көрсетеді:
- Мемлекеттік немесе өзге тіркеуге жататын жылжымайтын мүлікті, сондай-ақ құқықтары және (немесе) мәмілелері мемлекеттік немесе өзге тіркеуге жататын мүлкі;
- Мемлекеттік тіркеуге жататын механикалық көлік құралдары мен тіркемелері;
3) Заңды тұлғалардың жарғылық капиталына қатысу үлесі;
4) Бағалы қағаздар;
5) Инвестициялық алтын;
6) Туынды қаржы құралдары;
7) Тұрғын үй құрылысына қатысу үлесі.
«Кірістері мен мүлкі туралы декларацияны» ұсыну мерзімі
Қағаз тасығышта-2022 жылғы 15 шілдеден кешіктірмей;
Электрондық түрде-2022 жылғы 15 қыркүйектен кешіктірмей.
«Кірістер мен мүлік туралы декларацияны» ұсыну тәсілдері
Электрондық түрде – «Салық төлеушінің кабинеті» мемлекеттік кірістер комитетінің web-порталы арқылы (cabinet.salyk.kz) және eSalyq Azamat мобильді қосымшасы.
Қағаз тасығышта - мемлекеттік кірістер органдарына.
«Кірістер мен мүлік туралы Декларацияны» қайда тапсыру қажет
Жеке тұлғалар (жеке кәсіпкерлерді және жеке тәжірибемен айналысатын адамдарды қоспағанда, мысалы, мемлекеттік қызметшінің жұбайы (зайыбы) тұрғылықты (болатын) жері бойынша декларация тапсырады.
Жеке кәсіпкерлер және жеке тәжірибемен айналысатын адамдар декларацияны орналасқан жері бойынша табыс етеді.