Жиі қойылатын сұрақтар
Қазақстан Республикасында елдi мекендердiң бас жоспарлары қаланы, кенттi, ауылды не басқа да қонысты дамытуды кешендi жоспарлауды айқындайтын және аумақты ұйымдастырудың бекiтiлген бас схемасы мен аймақтардың қала құрылысын жоспарлаудың кешендi схемасына сәйкес әзiрленетiн негiзгi қала құрылысы құжаты болып табылады.
Сонымен қатарқызыл сызық - елдi мекендердi жоспарлау құрылымындағы кварталдардың, шағын аудандардың, өзге элементтердiң аумағын көшеден (жолдардан, алаңдардан) бөлiп тұратын шекара. Әдетте қызыл сызық құрылыс салу шекарасын реттеу үшiн қолданылады және құрылыс салуды реттейтiн сызық (құрылыс салу сызығы) - қызыл және сары сызықтардан немесе жер учаскесi шекарасынан шегiндiре отырып, үйлердi (ғимараттарды, құрылғыларды) орналастыру кезiнде белгiленетiн құрылыс салу шекарасы
Қазақстан Республикасының Білім және ғылым министрінің 2018 жылғы 12 қазандағы № 564 бұйрығының 9-тармағына сәйкес «Бастауыш білімнің жалпы оқу бағдарламаларын іске асыратын білім беру ұйымдары дайындық деңгейіне қарамастан, білім беру ұйымы қызмет көрсететін аумақта тұратын барлық балалардың қолжетімділігін қамтамасыз ете отырып, алты жастағы және күнтізбелік жылда алты жасқа толатын балаларды бірінші сыныпқа қабылдауды қамтамасыз етеді»
2025-2026 оқу жылында күнтізбелік жылдың 1 сәуір мен 31 тамызы аралығында балаларды 1-сыныпқа қабылдау кезінде қоғамдық резонансты болдырмау мақсатында:
- Ата-ананың немесе заңды өкілінің өтініші;
- "Профилактикалық екпелер картасы" № 065/у нысанды және "Бала денсаулығының паспорты" № 052-2/у нысанды медициналық анықтамалар;
- Баланың 3х4 см өлшеміндегі 2 дана фотосуретi.
- Баланың туу туралы куәлігінің түпнұсқасы
- Ата-ана ЭЦҚ кілті
- Ата-анасының төлқұжат көшірмесі.
Биыл жалпы орта білім беру ұйымдарында оқитын 255 118 оқушының (1–10 сыныптар) 241 852-сы немесе 94,8 пайызы жазғы демалыспен қамтылатын болады.
Мемлекеттік жалпы білім беру ұйымдарының әр мектептің №64 қаулыға сәйкес келетін:
1) мемлекеттік атаулы әлеуметтік көмек алуға құқығы бар отбасылардан шыққан балаларға;
2) мемлекеттік атаулы әлеуметтік көмек алмайтын, жан басына шаққандағы табысы ең төмен күнкөріс деңгейінің шамасынан төмен отбасылардан шыққан балаларға;
3) отбасыларда тұратын жетім балаларға және ата-анасының қамқорлығынсыз қалған балаларға;
4) төтенше жағдайлардың салдарынан шұғыл жәрдемді талап ететін отбасылардан шыққан балаларға;
5) білім беру ұйымының алқалы басқару органы айқындайтын білім алушылар мен тәрбиеленушілері
оқушыларының 15-16 % жекеменшік лагерьлерде, 2,5 % «Ақсу» лагерінде демалатын болады. Лагерьге құжат жинақтау білім беру ұйымдарында жүргізіледі.
Сонымен қатар 2025 жылғы 26 мамыр мен 27 маусым аралығында қаладағы 273 мектеп жанынан жазғы сауықтыру алаңшалары ашылады.
1-4 сынып оқушыларын мектептегі үйірмелерімен
5-6 сынып оқушыларын мәдени орындарға (мұражайлар, театрлар, саябақтар) тегін экскурсияларға барады;
7–8 сынып оқушылары техникалық және кәсіптік білім беру ұйымдары базасында «PROFSTART» жобасы аясында кәсіби бағдар бойынша іс-шараларға;
9–10 сынып оқушылары кәсіби бағдар бойынша жоғары оқу орындары базасында «EduCampShym» жобасы аясында ұйымдастырылатын іс-шараларға қатысады.
«Ұлттық бірыңғай тестілеу»-жоғарғы және жоғарғы оқу орындарынан білім беру ұйымдарына түсуге арналған іріктеу емтихандарының бір нысаны болып табылады. (ҚР «Білім туралы» Заңы1 бабы, 56-тармағы).
ҰБТ өткізілу мерзімі жылына 4 рет болады. Өтінішті қабылдау мерзімдері:
1-кезең – 20 желтоқсан мен 06 қаңтар аралығы;
2 кезең – 20 ақпан мен 10 наурыз аралығы;
3 кезең – 28 сәуір мен 14 мамыр аралығы;
4 кезең – 15-30 шілде аралығы.
Ал, тестілеу мерзімі:
1-кезең - 10 қаңтар мен 10 ақпан аралығы;
2-кезең – 01-31 наурыз аралығы;
3-кезең – 16 мамыр мен 16 шілде аралығы;
4-кезең – 10-20 тамыз аралығы.
Қала әкімі және әкім орынбасардарының азаматтарды жеке қабылдауына қала әкімдігінің "Азаматтарды қабылдау орталығына" келіп (Н.Назарбаев даңғылы, 10-үй) немесе "е-Өтініш" ақпараттық жүйесіне өтініш қалдыру арқылы жазылуға болады.
Қазақстан Республикасының “Автомобиль көлігі мен жолаушылар мен багажды тасымалдау” Қағидасының 2 тарауының 23 тармағына сәйкес жолаушылар мен багажды тұрақты қалалық (ауылдық) және қала маңындағы автомобильмен тасымалдау жергілікті атқарушы органдар бекіткен маршруттық желі бойынша жүзеге асырылады және жолаушылар көлігін дамыту мен жолаушылар ағынын талдаудың бекітілген кешенді схемасы негізінде қалыптастырылады.
2020 жылы бекітілген жолаушылар көлігін дамытудың кешенді схемасына сәйкес аталған маршруттар шағын автобустармен қызмет көрсету тиіс.
Бүгінгі таңда Шымкент қаласының Бас жоспарына енгізілген өзгерістерге және қала аумағында жол-инфрақұрылымының, жаңа тұрғын үй кешендерінің құрылысы қарқынды дамуы және ірі өндірістік аймақтардың ашылуына байланысты, 2020 жылы бекітілген жолаушылар көлігін дамытудың кешенді схемасымен қаралған маршруттық желіні оңтайландыру қажеттілігі туындап, 2025 жылы жаңа кешенді схемасын әзірлеу жоспарлануда.
Жаңа маршруттық желіні әзірлеу барысында, қала тұрғындарын қоғамдық көлікпен барынша қамту, жолаушылар ағыны мен автомобиль жолдарының жай-күйі және оларды жайластыру жол қозғалысы қауіпсіздігінің талаптарына сәйкестігіне қарай қозғалыс сызбаларын өзгерту қажеттілігі және маршруттағы автобустар санын көбейту мүмкіндіктері қарастырылатын болады.
Мемлекеттік тұрғын үй қорынан тұрғын үй алуға тек Ұлы Отан соғысының мүгедектері мен қатысушылары, жетім балалар мен ата-анасының қамқорлығынсыз қалған балалар, "Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ "Ана даңқы" ордендерімен наградталған көп балалы аналар ғана басым құқыққа ие"I және II дәрежелі, көпбалалы отбасылар.
Халықтың әлеуметтік осал топтарына: ҰОС қатысушылары мен мүгедектеріне теңестірілген адамдар; бірінші және екінші топтағы мүгедектер; мүгедек балаларды тәрбиелеп отырған отбасылар; бекітілген тізімде көрсетілген созылмалы аурулардың ауыр түрлерінен зардап шегетін адамдар; жасы бойынша зейнеткерлер; оралмандар; "Алтын алқа" алқаларымен марапатталған көп балалы аналар жатады", "Күміс алқа" немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен марапатталған, көп балалы отбасылар, толық емес отбасылар; Мемлекеттік міндеттерін атқару кезінде қаза тапқан адамдардың отбасылары және табиғи және техногендік сипаттағы экологиялық және дүлей зілзалалардың салдарынан тұрғын үйінен айырылған адамдар.
Шымкент қаласында дене шынықтыру және спорт басқармасына бағынысты барлық спорт мекемелері үздіксіз жұмыс жасайды. Балаларды спорт үйірмесіне қабылдау жыл бойына жүргізілуіне байланысты, жазғы каникул уақытында спорт түрлері бойынша үйірмелер толық жұмыс жүргізілетін болады. Үйірмелердің барлығы ақысыз негізде жүргізілетін болады. Толық мәлімет алу үшін Мәделіқожа 1А мекен жайында орналасқан дене шынықтыру және спорт басқармасына жұмыс уақытында келіп алуға болады. Сондай-ақ, спорт секциялары туралы ақпараттар басқарманың және спорт мекемелерінің әлеуметтік желілерінде орналастырылатын болады.
Балаңызды спорт үйірмелеріне қабылдау үшін Damubala платформасы арқылы өтініш бере аласыз. Шарт жасасу үшін баланың заңды өкілі өнім берушіге мынадай құжаттарды ұсынады:
1) спорт секциясына қабылдауға еркін нысандағы өтініші;
2) баланың суреті;
3) баланың туу туралы куәлігінің көшірмесі;
4) "Денсаулық сақтау саласындағы есепке алу құжаттамасының нысандарын, сондай-ақ медициналық-санитариялық алғашқы көмек көрсететін медициналық ұйымнан анықтама;
5) баланың заңды өкілінің жеке басын куәландыратын құжаттың көшірмесі.
Қазақстан Республикасы Әлеуметтік кодексінің 120 бабының 4-тармағына және Қазақстан Республикасы Премьер-Министрінің орынбасары-Еңбек және халықты әлеуметтік қорғау министрінің 2023 жылғы 21 маусымдағы №227 бұйрығымен бекітілген «Атаулы әлеуметтік көмекті тағайындау және төлеу қағидаларының» 2-тарауының 3-тармағына сәйкес, атаулы әлеуметтік көмек жан басына шаққандағы орташа табысы облыстарда, республикалық маңызы бар қалаларда, астанада белгіленген кедейлік шегінен (34662 теңге) аспайтын адамға немесе отбасыға шартсыз немесе шартты ақшалай көмек түрінде беріледі. Атаулы әлеуметтік көмектің мөлшері отбасының жан басына шаққандағы табысы мен облыстарда, республикалық маңызы бар қалаларда, астанада белгіленген кедейлік шегінің мөлшері арасындағы айырма түрінде есептеледі.