Құрылым

Әлеуметтік медициналық сақтандыру қоры 2016 жылы Қазақстан Үкіметі тарапынан халыққа медициналық көмектің қолжетімділігі мен сапасын қамтамасыз ету, сондай-ақ халықтың шығындарын міндетті әлеуметтік медициналық сақтандыру арқылы азайту мақсатында құрылды. Қордың қызметі денсаулық сақтау саласындағы мемлекеттік саясатты іске асыруға және еліміздегі МӘМС жүйесін жақсартуға бағытталған.

«Қаржы орталығы» акционерлік қоғамы Қазақстан Республикасы Қаржы министрлігінің ведомстволық бағынысты ұйымы болып табылады, мемлекеттік шығыстар, білім беру және әлеуметтік бағдарламалар саласындағы операторлық функцияларды қоса алғанда, көрсетілетін қаржылық қызметтер саласындағы жұмыстарды жүзеге асыру мақсатында құрылған.

«Қайтарылған активтерді басқару компаниясы» жауапкершілігі шектеулі серіктестігі заңсыз алынған активтерді қайтару рәсімдерінің нәтижесінде мемлекет меншігіне қайтарылған активтерді тиімді басқару үшін құрылған Қазақстан Республикасы Қаржы министрлігінің ведомстволық бағынысты ұйымы болып табылады.

«Digital Silk Road Company» жауапкершілігі шектеулі серіктестігі «Nur Zholy Customs Service» жауапкершілігі шектеулі серіктестігінің кейбір мәселелері туралы» Қазақстан Республикасы Үкіметінің 2022 жылғы 30 желтоқсандағы № 1132 қаулысына сәйкес құрылған Қазақстан Республикасы Қаржы министрлігінің ведомстволық бағынысты ұйымы болып табылады.

«Проблемалық кредиттер қоры» акционерлік қоғамы дағдарыстан кейінгі қалпына келтіру бағдарламасын іске асыру шеңберінде банктерге балансты «жұмыс істемейтін» қарыздардан «тазарту» процесінде жәрдем көрсету үшін құрылған Қазақстан Республикасы Қаржы министрлігінің ведомстволық бағынысты ұйымы болып табылады.

«Электрондық қаржы орталығы» акционерлік қоғамы мемлекеттік қаржы саласындағы үздік IT-шешімдерді құру, енгізу, көбейту, техникалық қолдау және дамыту жөніндегі жобалар портфелін басқару үшін құрылған Қазақстан Республикасы Қаржы министрлігінің ведомстволық бағынысты ұйымы болып табылады.

«Ақпараттық-есептеу орталығы» акционерлiк қоғамы азаматтардың жекешелендіру купондары үшін жекешелендірілетін кәсіпорындардың акцияларын сатуды есепке алу, республикада мемлекет иелігінен алу және жекешелендіру процесін автоматтандырылған және ақпараттық қамтамасыз ету үшін Қазақстан Республикасы Қаржы министрлігінің ведомстволық бағынысты ұйымы болып табылады.