Саран қаласы Қазақстан Республикасының Қарағанды облысына жататын облыстық маңызы бар қала болып табылады, әкімшілік жағынан облыс орталығына бағынады. Қарағанды қаласынан оңтүстік-батысқа қарай 25 шақырым жерде орналасқан. Қала 1954 жылы 20 желтоқсанда құрылған. 1961 жылдың соңына қарай Саран қаласының құрамына бұрынғы елді мекендер: Малая Сарань, Дубовка, Байтам, Соқыр, Саран - Угольная, Ақтас кенті кірді. Қазіргі уақытта қала аумағы 168 ш. км. Халық саны – 56 мың адамды құрайды. Қала аумағында 74 ұлт өкілі тұрады. Пайдалы қазбалар: тас көмір, кесек тас, керамикалық саз, құм-қиыршық тас қоспалары, әктастар, керамзитті саз. Саран қаласының экономикасы индустриялық мамандандырылған, өндіру, мұнай-химия салалары, құрылыс материалдары өнеркәсібі, жеңіл, тамақ салалары басым болып табылады. Қаланың жетекші өнеркәсіптік кәсіпорындары «Арселор Миталл Теміртау» КД АҚ, «Саран» және Т. Күзембаев атындағы шахталар, «SABURKHAN TECHNOLOGIES» ЖШС, «Astyk Alem» ЖШС, «Казцентрэлектропровод» ЖШС, қағаз негізінде санитарлық-гигиеналық өнім өндіретін кәсіпорын «Sunpaper» ЖШС, Арнайы және спорттық киім шығаратын кәсіпорын «Aros group» ЖШС, Тігін және полиграфиялық цехтар «AV group» ЖШС, Күн электр станциясы «SES Saran» ЖШС, «Aquaplast» ЖШС, «Казфитингпласт» ЖШС, «Карал пласт» ЖШС, арнайы кокс өндіретін кәсіпорын «Евромет» ЖШС болып табылады. 2021 жылы Саран қаласының солтүстік өнеркәсіптік аймағында республикалық маңызы бар «Saran» индустриялық аймағы құрылды. Индустриялық аймақтың алаңы 180 га құрайды, онда бұрынғы РТБ зауытының базасында «QazTehna» ЖШС автобус өндіретін зауыт жұмыс істейді.
Қарама-қарсы аумақта «Kama Tyres KZ» ЖШС шина шығаратын зауыттың құрылысы жүргізілуде. Бұл жобалар ШОБ жаңа сабақтас жобаларын, оның ішінде сервистік секторда және экономиканың сабақтас салаларында орналастыруға мүмкіндік ашады.
Қала аумағында бірегей тарихи және мәдени ескерткіштер: Игілік би мазары, Жамбыл Жабаев, В.В. Маяковский, А. Гайдар, А.С. Пушкин ескерткіштері, Жеңіс стеласы бар. Олар қаланың көркі болып табылады. Қала тіршілік етуде, дамуда, құрылыс салынуда және оның тұрғындары Қазақстан Республикасының шағын қалалары болашақтың бастауы екеніне кәміл сенеді.
