Жиі қойылатын сұрақтар
Ақпаратты, оның ішінде сақтандыру мәртебесі бойынша келесі каналдар арқылы білуге болады:
- Қордың сайты msqory.kz;
- SaqtandryBot телеграмм каналы;
- Qoldau 24/7 мобильді қосымшасы;
- 1414 нөмірі бойынша бірыңғай байланыс орталығы.
Порталға жолдама алу жолдары:
- Пациент алдымен өз учаскелік жалпы практика дәрігеріне (ЖТД) жүгінеді;
- Дәрігер тексеріп, шағымдарын, анамнезін және жалпы жағдайын бағалайды;
- Медициналық көрсеткіштер болған жағдайда дәрігер пациентті жоспарлы госпитализацияға немесе реабилитацияға жіберу туралы шешім қабылдайды.
- Қажетті зертханалық талдаулар, диагностикалық зерттеулер және тар бейінді мамандардың қорытындылары жинақталады.
- Барлық құжаттар медициналық ақпараттық жүйеде рәсімделіп, пациент порталға электронды түрде қойылады.
- Порталдағы кезек автоматты түрде беріледі. Пациентке кезек нөмірі және шақырту туралы ақпарат 1414 байланыс номерінен SMS арқылы немесе Damumed мобильді қосымшасы арқылы хабарланады.
Тар бейінді мамандарға жолдама алу тәртібі төмендегідей:
- пациент алдымен учаскелік жалпы тәжірибелі дәрігерге (ЖТД) жүгінеді;
- дәрігер шағымдарын, анамнезін, клиникалық жағдайын бағалап, алғашқы тексеру жүргізеді;
- қажеттілік болған жағдайда зертханалық және диагностикалық зерттеулер тағайындалады;
- тексеру нәтижелері бойынша көрсетілім болса, дәрігер тар бейінді маманға электронды жолдама рәсімдейді;
- жолдама Damumed медициналық ақпараттық жүйесінде тіркеледі;
- пациент маманға тіркеу бөлімі немесе call-орталық арқылы жазыла алады;
- шұғыл жағдайларда пациент маманға кезектен тыс бағытталады.
Учаскелік дәрігерге жазылу тәртібі:
- емхананың тіркеу бөлімі (регистратура) арқылы;
- «Damumed», «EGOV» мобильді қосымшалары арқылы;
- емхананың call-орталығына қоңырау шалу арқылы;
Учаскелік дәрігер жоспарлы қабылдауды күнделікті бекітілген кесте негізінде жүргізеді. Қабылдау тек алдын ала жазылу бойынша жүргізіледі. Шұғыл жағдайларда пациент кезектен тыс қабылданады.
Орташа кезек күту уақыты – шамамен 30 минут. Алдын ала жазылу күту уақытын едәуір қысқартады.
Иә, міндетті Қазақстан Республикасындағы сәулет, қала құрылысы және құрылыс қызметі туралы Қазақстан Республикасының 2001 жылғы 16 шілдедегі N242 Заңының http://10.245.12.147/kaz/docs/Z010000242_ 75-1-баптың 2-тармағына сәйкес: Жергілікті атқарушы орган «Азаматтарға арналған үкімет» мемлекеттік корпорациясынан құжаттарды алғаннан кейін бір жұмыс күні ішінде тапсырыс берушінің құрылысқа рұқсат алу және құрылыс жүргізу тәртібін сақтағанын тексереді. Тексеру нәтижелері негізінде объектіні пайдалануға қабылдау актісі мемлекеттік қала құрылысы кадастрының ақпараттық жүйесінде есепке алынады
Атырау қаласының Бас жоспарына өзгерістер мен толықтырулар енгізу жобасы 2024 жылы басталды. Жобаны бекіту 2026 жылғы желтоқсан айына жоспарланған.
Облыс бойынша бекітілген барлық елді мекендердің қала құрылысы құжаттары https://gov.ggk.kz/geoportal және https://eatyrau.kz/map/?access_token=&lanq=ru сайттарда орналасқан.
Діни іс-шараларды өткізу заңмен реттеледі. Ол үшін ұйымдастырушы жергілікті атқарушы органға (әкімдікке) алдын ала (кемінде 10 жұмыс күні бұрын) жазбаша түрде өтініш беруі қажет.
Өтініште іс-шараның мақсаты, уақыты, орны, қатысушылар саны және жауапты тұлға (ұйымдастырушы) туралы мәліметтер қамтылуы керек.
Рұқсат беру тәртібі заңнамада белгіленген мерзімдер ішінде қаралады және өтініш берушіге ресми түрде жауап беріледі.
Шетелдіктер, азаматтығы жоқ адамдар және шетелдік заңды тұлғалар, Қазақстан Республикасының заңдарында және халықаралық шарттарында өзгеше көзделмесе, Қазақстан Республикасының азаматтары мен заңды тұлғалары сияқты бірдей тәртіппен рұқсаттар алады және хабарламалар жібереді.
Құрылыс-монтаж жұмыстарына қойылатын талаптар:
1) штатында кемінде бір аттестатталған инженер-техник жұмыскердің болуы;
2) меншігінде өндірістік базасының болуы;
3) меншігінде машиналар мен механизмдерді қамтитын ең аз материалдық-техникалық жарақтандырылудың болуы.
Қазақстан Республикасының Мемлекеттік Туына қойылатын барлық техникалық талаптар № ҚР СТ 988-2008 Ұлттық стандартында белгіленген. Кез келген өлшемдегі жалау осы стандартқа сәйкес болуы керек.
Стандарттың негізгі талаптары:
1. Тудың пропорциясы;
2. Түсі;
3. Элементтері;
4. Материалдары;
5. Өлшемдері.
Мемлекеттік ақпараттық саясатты жүргізу жөніндегі мемлекеттік тапсырысқа конкурс мемлекеттік ақпараттық саясатты өңірлік деңгейде өткізу бойынша мемлекеттік тапсырысты орналастырудың белгіленген қағидаларына сәйкес өткізіледі.
Мемлекеттік орган конкурс туралы хабарландыруды ресми сайтта орналастырады. Барлық мүдделі қатысушылар қажетті құжаттар мен өтінім береді. Процедура бірнеше кезеңдерді қамтиды, соның ішінде өтінімдерді қарау, оларды белгіленген критерийлер бойынша бағалау және жеңімпазды анықтау. Жеңімпазды таңдауда үміткерлердің шығармашылық ұсынысы, сондай-ақ баллдық бағалау жүйесі өте маңызды.