Жиі қойылатын сұрақтар
Еңбекке уақытша жарамсыздық парағы дәрігер медициналық тексеру нәтижелері бойынша азаматтың денсаулық жағдайы еңбек міндеттерін орындауға мүмкіндік бермейтінін анықтаған жағдайда рәсімделеді. Бұл құжат жұмыстан уақытша босатуға негіз болып табылады және уақытша еңбекке жарамсыздық кезеңін ресми түрде растайды. Парақ емдеуші дәрігермен медициналық айғақтар болған кезде және Қағидаларда белгіленген тәртіппен беріледі.
Еңбекке уақытша жарамсыздық парағы азаматтың ауруына, жарақатына немесе өзге де медициналық жағдайларға байланысты еңбек міндеттерін уақытша орындай алмауын растайды және жұмыстан уақытша босатуға негіз болады. Парақ пациентті медициналық тексеру нәтижелері бойынша, медициналық айғақтар болған кезде, лицензиясы бар медициналық ұйымның емдеуші дәрігерімен Қағидаларда белгіленген тәртіппен рәсімделеді.
МСАК (Медициналық санитарлық алғашқы көмек) ұйымдарына бекіту - ТМККК (тегін медициналық көмектің кепілдік берілген көлемі) шеңберінде және МӘМС (міндетті әлеуметтік медициналық сақтандыру) жүйесінде медициналық көмек алу үшін таңдаған емхагнаға азаматтарды ресми тіркеу
Кімдер тіркеле алады:
-Қазақстан Республикасының азаматтары;
-қандастар;
- шетелдіктер және Қазақстан Республикасының аумағында тұрақты тұратын азаматтығы жоқ адамдар;
-балалар — заңды өкілдері арқылы.
Емханаға қалай тіркелуге болады?
-Онлайн: ЭЦҚ пайдаланып eGov.kz порталы арқылы .
-жеке: таңдаған емханаға келіп өтініш жазу арқылы.
Қажетті құжаттар:
- жеке басын куәландыратын құжат .
- балалар үшін — туу туралы куәлік.
Мерзімі және бағасы:
- Мерзімі: 1 жұмыс күні
- Бағасы : тегін
Бас тарту себебі:
- бекітілген халықтың шекті санынан асып кету;
- мәліметтердің дұрыс берілмеуі;
- ТМККК немесе МӘМС шеңберінде көмек алу құқығы жоқ.
Білу маңызды:
- Жыл бойы тіркелуге болады.
- МСАК ұйымына жеке тұлғаны бекіту кезінде алдыңғы МСАК ұйымынан бекітуден шығару автоматты түрде жүзеге асырылады.
Еңбек мобильділігі орталықтары жұмыс күшінің ұтқырлығын арттыру үшін ерікті түрде қоныс аударуға жәрдемдесу бойынша мемлекеттік қолдау көрсету туралы 5 жылға әлеуметтік келісімшарт жасайды.
Платформа:
• бүкіл ел бойынша бос жұмыс орындарын іздеуге және қарауға;
• түйіндеме орналастыруға және тиісті ұсыныстарға жауап беруге;
• мемлекеттік жұмыспен қамту бағдарламаларына қатысуға жолдама алуға;
• онлайн кеңестер мен хабарламалар алуға;
• жұмыс берушілерге - бос жұмыс орындарын орналастыруға, кандидаттарды іздеуге және персоналды іріктеуде мемлекеттік қолдау алуға мүмкіндік береді.
Еnbek.kz "Электрондық еңбек биржасы" арқылы жұмыспен қамтуға жәрдемдесудің мынадай шаралары қолжетімді:
• кәсіптік оқыту;
• жастар практикасы;
• әлеуметтік жұмыс орындары;
• қоғамдық жұмыстар
• тағылымдамалар / практикалар (өндірістік, диплом алдындағы);
• еңбек ресурстарының мобильділігі
Атаулы әлеуметтік көмек жан басына шаққандағы орташа табысы кедейлік шегінен аспайтын аз қамтылған азаматтарға тағайындалады. Кедейлік шегі тоқсан сайын мемлекеттік атаулы әлеуметтік көмек тағайындауға өтініш берген тоқсанның алдындағы тоқсанға есептелген орташа табыстың 35 пайызы мөлшерінде, бірақ көрсетілген тоқсанға есептелген өңірлік ең төменгі күнкөріс деңгейінің 70 пайызынан төмен емес мөлшерде айқындалады. Атаулы әлеуметтік көмек алу үшін жеке куәлікпен ауыл, ауылдық округ әкімдігіне, тіркелген және тұрғылықты жері бойынша Мансап орталығына жүгінуге немесе электрондық-цифрлық қолтаңба болған жағдайда egov.kz Электрондық үкімет порталы немесенемесе екінші деңгейдегі банктердің қосымшасы арқылы өз бетінше өтініш беруге болады
Қатысушы "kezekte.kz" электрондық порталда тіркелуі және өтінімді толтыруы қажет,өтінімге құжаттардың келесі сканерленген көшірмелерін PDF форматында тіркеңіз:
1)басшының қолымен және өтініш берушінің мөрімен расталған өтінім беру сәтіндегі жалдамалы жұмыскерлердің орташа саны туралы анықтама (бар болса);
2) бизнес-жобаны іске асыруға жұмсалатын шығыстардың бизнес-жобасына қатысатын ақшалай қаражатпен, жылжымалы/жылжымайтын мүлікпен қоса қаржыландырудың болуын растайтын құжаттар ұсынылатын мемлекеттік грант көлемінің кемінде 20% мөлшерінде, кәсіпкердің ағымдағы шотында ақшалай қаражаттың болуы туралы банктік шоттан үзінді көшірме немесе жылжымалы және (немесе) бизнес-жобаға қатысатын жылжымайтын мүлік;
3) "бір ауыл – бір өнім"бағдарламасының финалисті болып табылатын әлеуметтік кәсіпкерлік субъектісі немесе шағын және орта кәсіпкерлік субъектісі ретінде кәсіпкердің мәртебесін растайтын құжаттың көшірмесі.
Кәсіпкерлерге мемлекеттік гранттар беру үшін ЭЦҚ көмегімен"kezekte.kz" порталында тіркелу,өтінімге қажетті құжаттарды тіркеу және хабарландыруда көрсетілген мерзімде конкурсқа қатысуға өтінім беру қажет
Бизнес-идеяларды іске асыру үшін бизнес-жобаның міндетті шарттары:
1) кәсіпкердің оны іске асыруға берілетін мемлекеттік грант көлемінің кемінде 20% мөлшерінде шығыстарды, оның ішінде бизнес-жобаға қатысатын жеке жылжымалы немесе жылжымайтын мүлікті ақшалай қаражатпен қоса қаржыландыруы;
2) жаңа жұмыс орындарын құру;
3) кәсіпкердің бизнес-жобасында инфрақұрылымның болуы және (немесе) жобаны іске асыру үшін жеткілікті инфрақұрылым құру көзделген инвестициялық жоспардың болуы.