«Еңбек шартын жасаңыз» облыстық науқаны аясында жүргізілген ақпараттық-түсіндіру жұмыстары

2023 жылғы 18-19 сәуірде СҚО әкімдігінің мемлекеттік еңбек инспекциясы басқармасының еңбек қатынастарын бақылау бөлімінің бас маманы А.Н. Бейсембин «Еңбек шартын жасаңыз» облыстық науқаны аясында Аққайың және Тайынша аудандарының жұмыс берушілерімен семинар-кеңестер өткізді.

Семинар-кеңес барысында жұмыс берушілерге:

1. «Еңбек шартын жасаңыз»!» облыстық науқаны;
2. «Өндірістік саладағы өлім-жітім мен өндірістік жарақаттануды азайтуға бағытталған еңбек қауіпсіздігі мен еңбекті қорғау жағдайларын жақсарту бойынша қабылданып жатқан шаралар»;
3. «Еңбек міндеттерін атқарған кезде қызметкерді жазатайым оқиғалардан міндетті сақтандыру туралы»;
4. «Жұмыс берушінің қызметін декларациялау» тақырыптары бойынша түсініктемелер берілді.

Сонымен қатар, барлық меншік нысандарының басшылары өздерін қызықтыратын сұрақтарға жауап алды.

Семинар қорытындысы бойынша, аудан әкімдерінің орынбасарлары бірқатар тапсырмалар берді.

Сондай-ақ, мемлекеттік еңбек инспекторы Тайынша қаласының тұрғындарымен және кәсіпкерлерімен түсіндіру жұмыстарын жүргізді.