Жиі қойылатын сұрақтар
Лицензия және (немесе) лицензияға қосымша мынадай:
1) жеке тұлға-лицензия иегері тегі, аты, әкесінің аты (болған жағдайда) өзгерген;
2) жеке кәсіпкер-лицензия иегері қайта тіркелген, оның атауы немесе заңды мекенжайы өзгерген;
3) заңды тұлға-лицензия иегері қайта ұйымдастырылған;
4) заңды тұлға-лицензия иегерінің, атауы және (немесе) орналасқан жері өзгерген (лицензияда мекенжай көрсетілген жағдайда);
5) берілген лицензияны иеліктен шығарған;
6) өндіріс базасының мекенжайы өзгерген;
7) Қазақстан Республикасының заңдарында қайта ресімдеу туралы талап болған жағдайларда қайта ресімделуге жатады.
Егер елді мекендердің атаулары, заңды мекенжайлардың көше атаулары өзгерген жағдайда, мұндай мекенжай өзгерістері лицензия иегері мен лицензия нысаны бойынша мемлекеттік цифрлық жүйелерді интеграциялау арқылы жүзеге асырылады.
Қызмет түрінің және (немесе) қызмет кіші түрінің атауы өзгертілген жағдайда, рұқсат беру тәртібі енгізілген лицензия иегері лицензияны және (немесе) лицензияға қосымшаны қайта ресімдеу туралы өтініш беруге құқылы.
Лицензияны қайта ресімдеу үшін «Е-лицензиялау» сайтында көмірсутектер саласындағы жұмыстарға және көрсетілетін қызметтерге лицензияны ресімдеу бойынша мемлекеттік қызметтерді көрсету туралы өтініш беру қажет.
Мемлекеттік қызмет ақылы негізде көрсетіледі – әрбір кіші түрі 8 АЕК.
«Рұқсаттар және хабарламалар туралы» ҚР Заңының 22 бабының 3-тармағына сәйкес Қазақстан Республикасының бүкіл аумағында қызмет етуге құқық береді.
Қазіргі қолданыстағы көмірсутектер саласындағы жұмыс және қызметтерге арналған лицензия Қазақстан Республикасының бүкіл аумағында қызмет етуге құқық береді.
Лицензиянын және лицензияға қосымшаларының мерзімі шектелмеген.
Мысалы, «Болашақ» ЖШС өндірістік базасы Ақтау қаласында орналасқан лицензия берілген, сонымен қатар, Алматы немесе Астана қалаларында жұмыс жасауға жоспарлары бар. Лицензия және (немесе) лицензияға қосымшалары Қазақстан Республикасының бүкіл аумағында қызмет етуге құқық береді, лицензиянын және лицензияға қосымшаларының мерзімі шектелмеген, сондықтан "Болашақ" ЖШС Алматы немесе Астана қалаларында жұмыс жүргізе алады.
Лицензия және лицензияға қосымша алу үшін www.elicense.kz, www.egov.kz веб-порталдары арқылы электрондық цифрлық қолтаңбасы бар (ЭЦҚ), дара кәсіпкер немесе заңды тұлға Қазақстан өтініштер www.elicense.kz, www.egov.kz веб-порталдары арқылы беріледі.
Қазақстан Республикасы Энергетика министрінің 2020 жылғы 10 сәуірдегі № 139 бұйрығымен бекітілген «Көмірсутектер саласындағы жұмыстарға және көрсетілетін қызметтерге лицензия беру» мемлекеттік қызмет көрсету қағидаларының 4-тармағына сәйкес, лицензия және лицензияға қосымша алу үшін өтініш беруші келесі көрсетілген құжаттар жинағын портал арқылы тиісті органға ұсынуы қажет:
1) нысан бойынша өтініші;
2) лицензиялық алымның төленгенiн растайтын құжаттың көшiрмесiн;
3) мәліметтер нысанын.
Техникалық ақаулар туындаған жағдайда, www.elicense.kz, www.egov.kz порталдарының жұмысы тоқтатылған жағдайда, 701-999 телефоны бойынша немесе sd_el@nitec.kz электрондық мекенжайына техникалық қолдауға жүгіну қажет.
Ел ішіндегі құн үлесін көрсету тәртібі Қазақстан Республикасы Инвестициялар және даму министрінің 2018 жылғы 20 сәуірдегі № 2060 бұйрығымен бекітілген Ұйымдардың тауарларды, жұмыстар мен көрсетілетін қызметтерді сатып алу кезінде елішілік құндылықты есептеуінің бірыңғай әдістемесінің (бұдан әрі – Бірыңғай әдістеме) 9-тармағымен реттеледі.
Mi индикаторы (өнімдегі ел ішіндегі құнның үлесі) қазақстандық тауар өндірушілердің тізілімінде қамтылған деректер негізінде анықталады.
Осылайша, тауарлар, жұмыстар мен қызметтер, сондай-ақ ел ішіндегі құнның көлемдері туралы Есепті қалыптастыру кезінде тауарлар бойынша ел ішіндегі құнның үлесі қазақстандық тауар өндірушілер тізілімінің мәліметтері негізінде көрсетілуге жатады. Жоғарыда айтылғандардың негізінде Қазақстандық тауар өндірушілердің тізілімінде тиісті ақпарат болмаған жағдайда ел ішіндегі құнның үлесін 99% мөлшерінде көрсетуге жол берілмейді.
2018 жылғы 18 мамырдағы № 196 «Жер қойнауын пайдаланушылардың және олардың мердігерлерінің көмірсутектерді барлау немесе өндіру жөніндегі операцияларды жүргізу кезінде пайдаланылған тауарларды, жұмыстарды, көрсетілетін қызметтерді сатып алуы қағидаларының» 41-тармағының 3) тармақшасына (бұдан әрі – Қағидалар) сәйкес әлеуетті өнім берушінің конкурстық өтінімінде берешектің жоқтығы туралы не конкурстық өтінімдерді ұсына бастау күнінің алдындағы бір айдан бұрын емес берілген бір теңгеден кем берешектің болуы туралы тиісті салық органы анықтамасының электрондық көшірмесі болуы тиіс.
Бұл ретте Қағидаларда осы анықтаманы ресімдеуге басқа талаптар белгіленбейді. Жоғарыда айтылғандардың негізінде көрсетілген анықтамада электрондық цифрлық қолтаңбаның немесе QR-кодтың болмауы, егер ұсынылған анықтама Қағидалардың 41-тармағының 3) тармақшасының талаптарына сәйкес келсе, әлеуетті өнім берушінің конкурстық өтінімін қабылдамау үшін негіз болып табылмайды.
Сонымен қатар, жалған мәліметтердің ұсынылғаны анықталған жағдайда, Қағидалардың 65-тармағының 10) тармақшасының негізінде мұндай әлеуетті өнім берушінің конкурстық өтінімі кері қайтарылатынын хабарлаймыз. Конкурстық өтiнiмдердi қарау хаттамасына әлеуеттi өнiм берушi ұсынған ақпарат авторының анық емес мәлiметтердi беру фактiсiн растайтын ресми хаттарының электрондық көшiрмелерi қоса берiледi.
Қазақстан Республикасы Энергетика министрінің 2020 жылғы 10 сәуірдегі № 139 бұйрығымен бекітілген «Көмірсутектер саласындағы жұмыстарға және көрсетілетін қызметтерге лицензия беру» мемлекеттік қызмет көрсету қағидаларының (бұдан әрі - Қағидалар) 4-тармағына сәйкес, лицензия және лицензияға қосымша алу үшін өтініш беруші келесі көрсетілген құжаттар жинағын портал арқылы тиісті органға ұсынуы қажет:
1) Қағидаларға 1 және 2-қосымшаларға сәйкес нысандар бойынша көрсетілетін қызметті алушының ЭЦҚ-мен куәландырылған лицензия және (немесе) лицензияға қосымшаны электрондық түрде алу үшін жеке және заңды тұлғаның өтінішін;
2) ЭҮТШ арқылы төленген жағдайларды қоспағанда, жекелеген қызмет түрлерiмен айналысу құқығы үшiн лицензиялық алымның төленгенiн растайтын құжаттың көшiрмесiн (лицензияға қосымшаны алу кезінде талап етілмейді);
3) Қағидаларға 3-қосымшаға сәйкес көмірсутектер саласындағы қызметті жүзеге асыру үшін біліктілік талаптары және оларға сәйкестікті растайтын құжаттар тізбесіне мәліметтер нысанын.
2018 жылғы 18 мамырдағы № 196 Көмірсутектерді барлау немесе өндіру бойынша операцияларды жүргізу кезінде пайдаланылатын тауарларды, жұмыстар мен көрсетілетін қызметтерді жер қойнауын пайдаланушылар мен олардың мердігерлерінің сатып алуы қағидаларының (бұдан әрі - Қағидалар) 91-тармағына сәйкес төмендетуге арналған ашық конкурс (электрондық сауда-саттық) тәсілімен ТЖҚ-ны сатып алуға қатысуға жіберілген әлеуетті өнім берушілер ТЖҚ-ны сатып алуға бөлінген соманың 80% -ынан (сексен пайызынан) кем баға ұсыныстарын осы Қағидалардың 131-бабының 1-тармағында, «Жер қойнауы және жер қойнауын пайдалану туралы» ҚР Кодексінің 179-бабының 1-тармағында көзделген бағаны шартты азайту критерийін ескермей ұсынбайды.
Қағидалардың 65-тармағының 12) тармақшасына сәйкес конкурстық комиссия конкурстық өтінімді қабылдамайды және егер әлеуетті өнім берушінің конкурстық баға ұсынысы 131-баптың 1-тармағында көзделген бағаны шартты азайту критерийін ескермей, ТЖҚ-ны сатып алуға бөлінген соманың 80% (сексен процентінен) кем болса, әлеуетті өнім берушіні ашық конкурсқа қатысуға жібермейді Кодекстің 179-бабының 1-тармағына сәйкес жүзеге асырылады.
Сондай-ақ, Қағидалардың 86-тармағына сәйкес, Қағидалардың 84-тармағына (өткізілген конкурстың қорытындысы бойынша бір дереккөз) сәйкес бір көзден тәсілімен ТЖҚ-ны сатып алу кезінде ТЖҚ-ны сатып алу шарттары төмендетуге өткізілген ашық, ашық конкурстың (электрондық сауда-саттықтың) конкурстық құжаттамасының талаптарына сәйкес келеді.
Жоғарыда айтылғандарды назарға ала отырып, өткізілген ашық конкурстың, төмендетуге арналған ашық конкурстың (электрондық сауда-саттықтың) қорытындылары бойынша бір көзден алу тәсілімен ТЖҚ-ны сатып алу туралы шарт жеткізушілермен бағаны шартты төмендету критерийін ескермей, ТЖҚ-ны сатып алуға бөлінген соманың кемінде 80% (сексен пайызы) мөлшерінде жасалады.
«Рұқсаттар және хабарламалар туралы» 2014 жылғы 16 мамырдағы Қазақстан Республикасы Заңын (бұдан әрі - Заң) 1-қосымшаның 8-жолына сәйкес 2022 жылғы 1 қаңтардан бастап көмірсутектер саласындағы қызмет түрінің атауы «Көмірсутектер саласындағы жұмыстар мен көрсетілетін қызметтерге лицензия» болып өзгерді.
Қызметтің бұл түрі 13 кіші түрден тұрады, олар да қайта аталды:
- көмірсутектерді барлау және өндіру кезіндегі кәсіпшілік зерттеулер;
- көмірсутектерді барлау және өндіру кезіндегі сейсмикалық барлау жұмыстары;
- көмірсутектерді барлау және өндіру кезіндегі геофизикалық жұмыстар;
- көмірсутектерді барлау және өндіру кезінде ұңғымалардағы атқылау-жару жұмыстары;
- көмірсутектерді барлау және өндіру кезінде құрлықта, теңізде және ішкі су айдындарында ұңғымаларды бұрғылау;
- көмірсутектерді барлау және өндіру кезінде ұңғымаларды жер астында жөндеу, сынау, игеру, сынамалау, консервациялау, жою;
- көмірсутектерді барлау және өндіру кезінде ұңғымаларды цементтеу;
- көмірсутектерді барлау және өндіру кезінде мұнай қабаттарының мұнай беруін арттыру және ұңғымалардың өнімділігін ұлғайту;
- теңіздегі көмірсутектер кен орындарында төгілуді болғызбау және жою жөніндегі жұмыстар;
- мұнай-газ-химия өндірістерін пайдалану;
- көмірсутектер кен орындарына арналған базалық жобалау құжаттарын жасау және көмірсутектер кен орындарын игеруді талдау;
- көмірсутектер кен орындарына арналған техникалық жобалау құжаттарын жасау;
- магистральдық құбыржолдарды пайдалану.
Заңының 1-бабының 12) тармақшасына сәйкес, жарамды рұқсат – берілген, ұзартылған немесе қайта ресімделген, қолданысы Заңға сәйкес тоқтатыла тұрмаған немесе тоқтатылмаған рұқсат.
Сондықтан, егер лицензияның және (немесе) лицензияға қосымшаның қолданылуы тоқтатыла тұрмаса немесе тоқтатылмаса, онда қолда бар лицензия және лицензияға қосымша қолданыстағы, мерзімсіз болып табылады және көмірсутектер саласындағы лицензияланатын қызметті жүзеге асыруға мүмкіндік береді.
Қазақстан Республикасының «Мұнай өнiмдерiнiң жекелеген түрлерiн өндiрудi және олардың айналымын мемлекеттiк реттеу туралы» Заңының 17-бабының 3-тармағына сәйкес, резервуарды немесе мұнай өнімдерінің базасын иелену және (немесе) пайдалану құқығы тоқтатылған жағдайда, мұнай өнімдерін көтерме сауда арқылы беруші мұнай өнімдерін көтерме сауда арқылы берумен байланысты қызметті жүзеге асырудың тоқтатылғаны туралы хабарлама береді.
Мұнай өнімдерін көтерме сауда арқылы берумен байланысты қызметі тоқтатылған жағдайда мұнай өнімдерін көтерме сауда арқылы беруші тоқтатылу туралы хабарламаны egov.kz, еlicense.kz вэб-порталдары арқылы электрондық түрде жолдайды.