Жиі қойылатын сұрақтар
Мүгедектерді әлеуметтік қорғау саласындағы мемлекеттік бақылауды ҚР Кәсіпкерлік Кодексіне сәйкес бақылау субъектісіне (объектісіне) барумен тексеру және профилактикалық бақылау нысанында халықты әлеуметтік қорғау саласындағы уәкілетті орган және оның аумақтық бөлімшелері (Еңбек, әлеуметтік қорғау және көші-қон комитетінің департаменттері) жүзеге асырады.
Әлеуметтік қорғау жүйесі қамтиды:
- әлеуметтік жәрдемақылар мен төлемдер түрінде мемлекеттік көмек және қолдау;
- жоғалған ағза функцияларына өтемақы, техникалық көмекші (орнын толтырушы) құралдармен қамтамасыз ету жолымен әлеуметтік оңалтуды және мүгедектігі бар адамдарды әлеуметтендіру деңгейін арттыру мақсатында жеке көмекші және ымдау тілі маманының қызметімен қамтылады.
Медициналық-әлеуметтік сараптама (МӘС) Қазақстан Республикасының Еңбек және халықты әлеуметтік қорғау министрлігінің Еңбек, әлеуметтік қорғау және көші-қон комитетінің аумақтық бөлімшелерімен жүргізіледі, бұл жағдайда Қостанай облысы бойынша департаменті. МӘС жүргізу үшін негіздеме медициналық ұйымдардың дәрігерлік-консультациялық комиссиясының (ДКК) қорытындысы болып табылады. Рәсім тәртібі келесі:
1. Емханаға тіркелген жері бойынша жүгіну. Учаскелік дәрігер қажетті тексеру мен емдеуді тағайындайды, қажет болған жағдайда клиникалық-функционалдық диагнозды нақтылау үшін тар маманға жібереді.
2. Диагноз қойылған сәттен бастап кемінде 4 ай мерзімде барлық қажетті диагностикалық, емдеу, оңалту процедураларының кешенін жүргізу.
3. Медициналық айғақтар болған жағдайда медициналық мекемелердің ДКК 088/у медициналық нысанын (МӘС-ке қорытынды) толтырады, қажетті құжаттарды дайындайды және оларды Департаменттің МӘС-ға жібереді.
Егер өндірістік жарақат туралы болса, онда өндірістегі жазатайым оқиға туралы Н-1 нысаны бойынша акт болуы қажет. Егер әскери қызметші әскери қызметті өткеру, орындау кезінде жарақат алса, онда себеп-салдарлық байланысты белгілеу қажет. Осымен тиісті қызмет саласының уәкілетті органы айналысады.
(Негіздеме: 2б. 5,7 т., Қазақстан Республикасы Денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен бекітілген, «Медициналық-әлеуметтік сараптама жүргізу қағидалары»).
Куәландыру құжаттарды ұсына отырып, медициналық-әлеуметтік сараптама жүргізуге өтініш бойынша жүргізіледі. 088/у медициналық нысаны емханамен электрондық форматта ұсынылады. Барлық қажетті құжаттарды, мысалы, жеке куәлікті, мекенжай анықтамасын, міндетті әлеуметтік сақтандыру жүйесінде қатысу фактісін растау-анықтамасын, МӘС сарапшылары "электрондық үкімет" шлюзі арқылы мемлекеттік ақпараттық жүйелерден алады.
(Негіздеме: 2б. 9 т., Қазақстан Республикасы Денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен бекітілген, «Медициналық-әлеуметтік сараптама жүргізу қағидалары»).
Егер денсаулық жағдайы бойынша мүгедек МӘС-ке келе алмаса, онда ДКК дәрігерлері пациент үйде куәландыруды қажет ететіні туралы қорытынды береді, және МӘС мамандары үйге келеді.
(Негіздеме: 2б. 15 т., Қазақстан Республикасы Денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен бекітілген, «Медициналық-әлеуметтік сараптама жүргізу қағидалары»).
Әлеуметтік қызметтер порталы – бұл мүгедектігі бар адамдарға оңалтудың техникалық құралдарын (ОТҚ) және әлеуметтік қызметтерді өз бетінше сатып алу мүмкіндігін беретін ақпараттық жүйе, бұл мүгедектің жеке қажеттіліктері мен мүмкіндіктерін ескере отырып, оңалту құралдары мен қызметтерді өз бетінше таңдауды қамтамасыз етеді.
Жеке көмекшінің қызметімен 1 топтағы мүгедектер қамтамасыз етіледі. Оңалтудың жеке бағдарламасымен жеке көмекшінің қызметін көрсетуге шарт жасайтын аумақтық жұмыспен қамту және әлеуметтік бағдарламалар бөліміне жүгіну қажет. 2020 жылдың екінші жартыжылдығында жеке көмекшінің қызметін "әлеуметтік қызметтер порталы" ақпараттық жүйесіне енгізу жоспарлануда, бұл қызметті ұсыну рәсімін жеңілдетуге мүмкіндік береді.
(Негіздеме: 4б. 2т., Қазақстан Республикасы Денсаулық сақтау және әлеуметтік даму министрінің 2015 жылғы 22 қаңтардағы № 26 бұйрығымен бекітілген, «Мүгедектердi оңалтудың кейбiр мәселелерi туралы»).
Жеке көмекші – шарт талаптарымен мүгедекпен бірге оның тұратын жерінен баратын пунктіне дейін және қайтарда: жұмысқа, оқу орындарына, сондай-ақ мүгедек жергілікті өкілді және атқарушы органдарға, сотқа, прокуратураға, әлеуметтік сала объектілеріне, заң консультацияларына, нотариусқа, мәдени-ойын-сауық іс-шараларына, спорт ғимараттарына, сауда объектілеріне, медициналық мекемелерге, тұрмыстық қызмет көрсету кәсіпорындарына және оқуына, жұмысқа орналасуына, өзінің құқықтары мен мүдделерін қорғауына және іске асыруына, ақпарат алуына, қажетті құжаттарды ресімдеуіне байланысты мәселелерді шешуі үшін өзге де ұйымдарға барған кезде ілесіп жүру бойынша әлеуметтік қызметтерді көрсететін маман.
(Негіздеме: 1б. 2т., Қазақстан Республикасы Денсаулық сақтау және әлеуметтік даму министрінің 2015 жылғы 22 қаңтардағы № 26 бұйрығымен бекітілген, «Мүгедектердi оңалтудың кейбiр мәселелерi туралы»).
ОЖБ-ны іске асыру мерзіміне сәйкес келетін ОЖБ әрбір оңалту іс-шарасының іске асырылу мерзімін көрсете отырып, мүгедектіктің белгіленген мерзіміне әзірленеді.
(Негіздеме: 2б. 34 т., Қазақстан Республикасы Денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен бекітілген, «Медициналық-әлеуметтік сараптама жүргізу қағидалары»).
Пациенттердің медициналық-әлеуметтік сараптамаға жолдамасының негізділігі үшін жіберген медициналық ұйымның дәрігерлік-консультациялық комиссиясының төрағасы жауапты, тиісінше МӘС-ға жіберу үшін медициналық айғақтардың болуын немесе болмауын анықтау үшін емхананың ДКК төрағасына жүгіну қажет.
(Негіздеме: 2б. 7т., Қазақстан Республикасы Денсаулық сақтау және әлеуметтік даму министрінің 2015 жылғы 30 қаңтардағы № 44 бұйрығымен бекітілген, «Медициналық-әлеуметтік сараптама жүргізу қағидалары»).