Жиі қойылатын сұрақтар
Қазақстан Республикасы Ұлттық экономика министрінің 2015 жылғы 30 қарашадағы №750 бұйрығымен бекітілген Құрылыс саласындағы құрылыс салуды ұйымдастыру және рұқсат беру рәсімдерінен өту қағидаларының 22-тармағына сәйкес құрылыс жөніндегі жобаларды іске асыру жер учаскесіне тиісті құқығы негізінде және келесі кезеңдерде жүзеге асырылады деп көрсетілген:
1) Құрылыс жобаларын әзірлеу үшін бастапқы материалдарды алу, яғни СЖТ (сәулет-жоспарлау тапсырмасы);
2) Эскизді (эскиздік жобаны) әзірлеу және келісу. Жобалауға лицензиясы бар мекемелерден эскиздік жоба дайындап,elicense.kz/LicensingContent/ActivityField?ActivityField.Id=37немесеwww.eeAtyrau.kzпорталдары арқылы келісімге тапсыруыңыз қажет және мемлекеттік көрсетілетін қызмет стандартына сәйкес көрсетілген мерзімде өтінішіңіз қаралатындығын қаперіңізге беріледі;
3) Жобалау-сметалық құжаттамасын әзірлеу және құрылыс жобаларын ведомстводан тыс кешенді сараптамадан өткізу;
4) Мемлекеттік сәулет-құрылыс бақылауын және қадағалауын жүзеге асыратын органдарға құрылыс-монтаждау жұмыстарының басталғаны туралы хабарлау және құрылыс-монтаждау жұмыстарын жүзеге асыру;
5) Салынған объектіні қабылдау және пайдалануға беру.
Ауыл шаруашылығы өндірісін жүргізу үшін жер учаскелерін беру, Қазақстан Республикасының Жер кодексінің 43-1-бабына сәйкес, шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығымен конкурс негізінде жүзеге асырылады. Конкурсты ұйымдастыру мен өткізу хабарландыруыgosreestr.kz/p/ru/auction-infos/VideoInstructions,gosreestr.kz/vod/EA/1PoiskOjectov.mp4,gosreestr.kz/p/ru/auction-guest-listвеб-сайтында және облыстық «Атырау» және «Прикаспийская комуна» газеттеріне жарияланады.
Қазақстан Республикасы Жер кодексінің 44-1-бабының 8-тармағына сәйкес жеке тұрғын үй құрылысы үшін жер учаскелері сұратылған кезде азаматтардың өтініштері (қолдаухаттары) арнайы есепке алынады және бөліп берілетін алаңдардың дайын болуына қарай, не жеке тұрғын үй құрылысы үшін пайдаланылатын бос аумақтар бар болған кезде қанағаттандырылады. Қазіргі уақытта, 1999-2005 жылғы өтініштер негізінде арнайы есепте тұрған азаматтарға жеке тұрғын үй құрылысын салу үшін жер учаскелері берілуде. Осыған орай, өтініштер Жер Кодексінің талаптарына сәйкес кезектілік ретімен қанағаттандырылады.
Кәсіпкерлік мақсатындағы жер учаскелерін беру және бөлу, Қазақстан Республикасы Жер Кодексінің 48-бабының 1-тармағына сәйкес жүргізіледі, мемлекеттік меншіктегі жер учаскелеріне құқықтарды беру және жалға беру сауда – саттықта (конкурстарда, аукциондарда) жүзеге асырылады. Сауда-саттық туралы хабарландыруларgosreestr.kz/p/ru/auction-infos/VideoInstructions,gosreestr.kz/vod/EA/1PoiskOjectov.mp4,gosreestr.kz/p/ru/auction-guest-listвеб-сайтында және облыстық Атырау мен Прикаспийская коммуна» газеттеріне жарияланады.
Қазақстан Республикасының1997 жылғы 16 сәуірдегі «Тұрғын үй қатынастары туралы» Заңның 13-бабының 7-тармағына 8) тармақшасына сәйкес, жалғыз тұрғын үйі Қазақстан Республикасының Заңнамасында белгіленген тәртіппен авариялық жағдайда деп танылған Қазақстан Республикасы азаматтарының пайдалануына мемлекеттік коммуналдық тұрғын үй қорынан берілген тұрғын үйлерді жекешелендіруге болмайды.
Қазақстан Республикасының1997 жылғы 16 сәуірдегі «Тұрғын үй қатынастары туралы» Заңның 101-бабының 3-тармағы негізінде мемлекеттiк қызметшiлер мен бюджеттiк ұйымдардың, мемлекеттік кәсіпорындардың жұмыскерлерi, ғарышкерлікке кандидаттар, ғарышкерлер, мемлекеттiк сайланбалы қызмет атқаратын адамдар, егер олар мемлекеттiк қызметте, мемлекеттік кәсіпорында немесе бюджеттiк ұйымдарда (мемлекеттiк сайланбалы қызметте болу мерзiмiн қоса алғанда) кемiнде он жыл (жиынтығында) жұмыс iстесе, өздерi тұратын қызметтікке теңестірілген тұрғынжайларды қалдық құны бойынша жекешелендiре алатындығын қаперіңізге береді.
Қазақстан Республикасының1997 жылғы 16 сәуірдегі «Тұрғын үй қатынастары туралы» Заңының 13-бабының 8-тармағына сәйкес Мемлекеттiк тұрғын үй қорынан өздерi тұратын тұрғын үйлердi меншiгiнетегiналуға келесі санаттағы азаматтар құқылы:
1) Ұлы Отан соғысының мүгедектері мен қатысушылары құқылы. Тұрғын үй берілген Ұлы Отан соғысының мүгедегі немесе қатысушысы қайтыс болған жағдайда, оны тегін алу құқығы оның отбасы мүшелеріне өтеді;2)1 және 2-топтағы мүгедектер;3)Чернобыль атом электр станциясындағы апаттың, басқа да радиациялық апаттар мен азаматтық немесе әскери мақсаттағы объектiлердегі авариялардың салдарларын жоюға қатысқан, сондай-ақ ядролық сынақтар мен оқу-жаттығуларға тікелей қатысқан адамдар;4)Семей ядролық сынақ полигонындағы ядролық сынақтардың салдарынан зардап шеккен Қазақстан Республикасының азаматтары;5)Бұрынғы Кеңестік Социалистік Республикалар Одағын қорғау кезінде, әскери қызметтің өзге де міндеттерін басқа кезеңдерде орындау кезінде немесе майданда болуға байланысты ауруға шалдығу салдарынан, сондай-ақ Ауғаныстанда немесе ұрыс қимылдары жүргiзiлген басқа да мемлекеттерде әскери қызметін өткеру кезiнде жаралану, контузия алу, мертiгу салдарынан мүгедек болған әскери қызметшілер;6)Арал маңындағы экологиялық қасірет салдарынан зардап шеккен Қазақстан Республикасының азаматтары;7)Теріс себептер бойынша қызметтен шығарылған әскери қызметшілерді және қызметкерлерді қоспағанда, күнтiзбемен есептегенде жиырма және одан да көп жыл еңбек сiңiрген әскери қызметшiлер, сондай-ақ арнаулы мемлекеттік органдардың қызметкерлері;7-1)«Қазақстан Республикасының арнаулы мемлекеттік органдары туралы» Қазақстан Республикасының Заңында көзделген жағдайды қоспағанда, арнаулы мемлекеттік органдарда қызмет өткеру кезінде қаза тапқан (қайтыс болған) арнаулы мемлекеттік орган қызметкерінің немесе әскери қызметшісінің отбасы мүшелері, бейбіт уақытта әскери қызмет міндетін атқару кезінде қаза тапқан әскери қызметшінің отбасы мүшелері, сондай-ақ қаза тапқан (қайтыс болған) адамның еңбек сіңірген жылдарына қарамастан, ішкі істер органдарында қызмет өткеру кезінде қаза тапқан (қайтыс болған) ішкі істер органдары қызметкерінің отбасы мүшелері;8)Ғарышкерлікке кандидаттар, ғарышкерлер құқылы. Тұрғын үй берілген ғарышкерлікке кандидат, ғарышкер қаза тапқан (қайтыс болған) жағдайда, оны өтеусіз алу құқығы қаза тапқан адамның мұрагерлеріне ауысады;9)Саяси қуғын-сүргiндер құрбандары, сондай-ақ «Жаппай саяси қуғын-сүргiндер құрбандарын ақтау туралы» Қазақстан Республикасының Заңына сәйкес ақталған, мүгедектігі бар немесе зейнеткерлер болып табылатын саяси қуғын-сүргiндерден зардап шеккен адамдар;10)Теріс себептер бойынша қызметтен шығарылған қызметкерлерді қоспағанда, ішкі істер органдарының қызметтен шығарылған және күнтiзбелiк есеппен жиырма және одан да көп еңбек сiңiрген жылдары бар қызметкерлері, сондай-ақ күнтiзбелiк есеппен он және одан да көп еңбек сiңiрген жылдары бар және мүгедек балаларды асырап-бағып отырған қызметкерлер құқылы.
Аталған Заңның 98-бабының 1-тармағына сәйкес коммуналдық тұрғын үй қорынан халықтың әлеуметтік жағынан осал топтарына берілетін тұрғын үйді жалдаушы осы Заңда көзделген шарттармен және Қазақстан Республикасының Үкіметі белгілейтін тәртіппен қалдық құны бойынша жекешелендіре алатындығын хабарлайды.
Қазақстан Республикасы Ұлттық экономика министірінің 2015 жылғы 9 сәуірдегі №319 бұйрығымен «Мемлекеттік тұрғын үй қорынан берілетін тұрғын үйлерді жекешелендіру» мемлекеттік қызмет көрсету стандарты бекітілген.
Стандартқа сәйкес құжаттарды қабылдау және мемлекеттік қызметті көрсету нәтижелерін беруwww.egov.kz«электрондық үкімет»веб-порталы арқылы жүзеге асырылады.
Қазақстан Республикасының1997 жылғы 16 сәуірдегі «Тұрғын үй қатынастары туралы» Заңының 73-бабы 1-тармағына сәйкес егер азаматтар:
- мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үй берiлуi үшiн негiздер жойылған;
- басқа елдi мекенге тұрақты тұру үшiн кеткен немесе мемлекеттік кәсіпорындағы немесе мемлекеттік мекемедегі еңбек қатынастарын тоқтатқан;
- азамат мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үй берiлуiне мұқтаждығы туралы шындыққа сай келмейтiн мәлiметтер берген;
- жер учаскесiн алған және өзiнiң тұрғын үйiн салуды аяқтаған немесе тұрғын үй сатып алған жағдайларда;
- сатып алу құқығынсыз жалға берілетін тұрғынжай алған жағдайларда оларды мемлекеттiк тұрғын үй қорынан тұрғын үй немесе жеке тұрғын үй қорынан жергiлiктi атқарушы орган жалдаған тұрғын үй берiлуіне мұқтаждар есебiнен шығару жүзеге асырылады.
Қазақстан Республикасының1997 жылғы 16 сәуірдегі «Тұрғын үй қатынастары туралы» Заңының 67-бабына сәйкес коммуналдық тұрғын үй қорынан тұрғынжайлар немесе жеке тұрғын үй қорынан жергілікті атқарушы орган жалдаған тұрғынжайлар осы елді мекенде тұрақты тұратын, тұрғын үйге мұқтаж Қазақстан Республикасының азаматтарына пайдалануға беріледі. Сондықтан азамат қаланың тұрақты тұрғыны болмаса (пропискасы болмаса) қала бойынша тұрғын үйге мұқтаж отбасылар тізіміне тіркелмейді.