Жиі қойылатын сұрақтар
- Қазақстан Республикасының Экологиялық Кодексі;
- Қазақстан Республикасы Қоршаған ортаны қорғау министрінің 2007 жылғы 7 мамырдағы №135-ө "Қоғамдық тыңдауларды өткізу ережесін бекіту туралы" бұйрығына сәйкес өткізіледі.
ҚОӘБ бойынша құжаттаманы әзірлеуші - көзделіп отырған шаруашылық және өзге де қызметтің қоршаған ортаға әсерін бағалауды жүзеге асыратын, аталған қызметті жүргізуге қоршаған ортаны қорғау саласындағы орталық атқарушы орган берген тиісті лицензиясы бар заңды немесе жеке тұлға;
Қоршаған ортаға эмиссиялар – ластаушы заттардың шығарындылары, төгiндiлерi, қоршаған ортада өндiрiс және тұтыну қалдықтарын орналастыру, күкіртті қоршаған ортада ашық түрде орналастыру және сақтау.
Рұқсат алуға өтінім және қоршаған ортаға эмиссиялар нормативтерін ұсынса, Сізге ҚР Экологиялық кодексінің 71 бабына сәйкес ІV санаттағы объектіге қоршаған ортаға эмиссияға рұқсат берілуге тиіс.
Атырау, Махамбет, Индер, Құрманғазы орман шаруашылығы мекемелері бойынша орман қорына жақын орналасқан селолық округтерде, мектептерде, шаруа қожалықтармен және елді мекендердің тұрғындары арасында орман өрттерін болдырмау жөнінде үгіт-насихат жұмыстары жүргізілуде. Облыстық теледидарда, облыстық және аудандық газеттерге орманда өрт қауіпсіздігін сақтау жөнінде орманшылардың мақалалары жарық көруде, арнайы жасақталған бетшелер мен күнтізбелер орманға келушілерге таратылуда.
Табиғи ресурстар және табиғат пайдалануды реттеу басқармасына қарасты Атырау, Махамбет, Құрманғазы және Индер орман және жануарлар дүниесін қорғау жөніндегі мемлекеттік мекемелермен ағаш кесу және орман билеті беріледі.
2019 жылдан бері мемлекеттік-жекешелік әріптестік аясында «Атырау қаласын көгалдандыру» жобасы бойынша 5 жылға жоспарланған жұмыстар (қала көшелерінде, саябақ пен алаңдарда өсіп тұрған жасыл желектерді күтіп-баптау, гүл егу және жас көшеттер отырғызу) жүргізілуде.
Атап айтсақ, 2020 жылы күні бүгінге дейін Атырау қаласының орталық көшелеріне және Махамбет-Исатай алаңына 2300 дана көпжылдық раушан, канны, гайлардия гүлдері, Жеңіс саябағында 6000 дана көпжылдық қызғалдақ гүлдері отырғызылды.
Қазіргі таңда Атырау облысының халқы үшін су мәселесі стратегиялық, әлеуметтік-экономикалық аса маңызы бар үлкен мәселе болып отыр.
Атап айтсақ, Жайық және Қиғаш өзендеріне көктемгі өр суының тым аз мөлшерде келуі, өзектерге судың шықпай қалуы, каналдардың құрғап қалуы балық шаруашылықтарының дамуына кері әсерін тигізуде.
Осыған байланысты, Балық шаруашылығы басқармасының сұранысы бойынша Жайық және Қиғаш өзендерінде балық көлемін ұлғайту, балықтардың еркін қозғалысын қамтамасыз ету, балық қорын сақтап қалу және балықтардың тіршілік етуіне қолайлы жағдайлар жасау мақсатында Атырау қаласында Яицкий (судоходный) каналын, Құрманғазы ауданынында Ганюшкин және Жарқосы каналдарын (Шароновка өзені) түп тереңдету жұмыстары жүргізілуде. (Жайық өзенінде 23,509 км.түп тереңдету және 16,9 км. жаңа арна құрылысын жүргізу, Қиғаш өзенінде 150,7 км. Түп тереңдету жұмыстарын жүргізу қарастырылған). Бұл жұмыстар жоспарға сай биылғы жылы аяқталу қажет.
Сонымен қатар, алдағы уақытта бұл жұмыстарды жалғастыру мақсатында, Жайық өзенінде қосымша 33,8 және Қиғаш өзенінде 225,8 километрді құрайтын жанама су айдындарын (каналдар) түптереңдету жұмыстары жоспарлануда, қазіргі таңда облыстық құрылыс басқармасының тапсырысына сәйкес «Стройтех» ЖШС-мен жобалық-сметалық құжаттама жасақталуда.
Жайық өзенінен су алу көлемін мейлінше азайту арқылы оған түсетін салмақты азайту мақсатында, Атырау және Маңғыстау елді мекендерін сумен қамтамасыз ету үшін Ақтөбе облысы аумағында орналасқан «Көкжиде» жер асты суы кен орнын су қорын барлау жұмыстарын жүргізуге, Ақтөбе облысы әкімдігіне республикалық бюджеттен қаржы қолдау тапты.
Қазіргі уақытта, «Көкжиде» жер асты тұщы су қорларын қайта бағалау жұмыстарын жүргізу үшін Ақтөбе облысы әкімдігіне 2019-2021 жылдарға 1 млрд 161 млн.теңге көлеміндегі қаражат республикалық бюджеттен қаралып, 2019 жылға 300 млн.тг жұмыстары атқарылып, 2020 жылға 431 млн. тг бөлініп, жұмыстар «Ақпан» ЖШС-мен жүргізілуде.
Бұл барлау жұмыстары аяқталған соң, жер асты тұщы су құбырын жүргізу мәселесі қарастырылатын болады.
Қазақстан Республикасы Индустрия және инфрақұрылымдық даму министрінің "Мемлекеттік меншіктегі жалпыға ортақ пайдаланылатын автомобиль жолдарын, теміржолдарды салу (реконструкциялау) және жөндеу мақсаттары үшін, сондай-ақ гидроқұрылысжайларды және гидротехникалық құрылысжайларды реконструкциялау және жөндеу үшін пайдаланылатын кең таралған пайдалы қазбаларды барлауды немесе өндіруді жүргізуге жер қойнауын пайдалану құқығын беру қағидаларын бекіту туралы" 2020 жылғы 7 сәуірдегі № 188 бұйрығының 9 тармағына сәйкес барлауға арналған рұқсат және өндіруге арналған рұқсат тек қана көрсетілген объектілерді салуға (реконструкциялауға) немесе жөндеуге тапсырыс беруші болып табылатын мемлекеттік орган осы мақсаттар үшін бекітілетін тізбеден мемлекеттік меншіктегі жалпыға ортақ пайдаланылатын автомобиль жолдарын, теміржолдарды салу (реконструкциялау) немесе жөндеу бойынша мердігерге (қосалқы мердігерге) беріледі делінген.
Сонымен қатар, Қазақстан Республикасы Индустрия және инфрақұрылымдық даму министрінің «Кең таралған пайдалы қазбаларды барлау мен өндіруге рұқсат алатын кейбір мердігерлік (қосалқы мердігерлік) ұйымдардың тізбесін бекіту туралы» 2020 жылғы 12 мамырдағы №283 бұйрығымен бекітілген тізімдемеде болуы шарт.