Жиі қойылатын сұрақтар

ҚР заңнамасы тұрғын үйге мұқтаж деп танылған азаматтар ғана мемлекеттік қолдауға үміткер бола алатынын нақты айқындайды. Жеке меншікке ие болу (немесе оған бұрын иелік ету) бас тартудың тікелей негізі болып табылады.

2025 жылдан бастап күшіне енген заңнамадағы өзгерістерге сәйкес тұрғын үйді есепке алу және бөлу жөніндегі функциялар "Отбасы банк"АҚ-ға берілді. Қазақстанда мемлекеттік қордан тұрғын үйге мұқтаждарды есепке қою "Отбасы банк" порталы арқылы цифрлық форматта жүзеге асырылады (orken.otbasybank.kz) немесе eGov.kz. Құжаттардың тізбесі:

1) Соңғы бес жыл ішінде ҚР аумағында меншік құқығында тұрғынжайы жоқ ҚР тұрғын үйге мұқтаж азаматтарын, қандастарды есепке қою кезінде электрондық түрдегі өтініш;

2) ҚР заңнамасында көзделген тәртіппен жалғыз тұрғынжайы апатты деп танылған ҚР  тұрғын үйге мұқтаж азаматтарын есепке қою кезінде: электрондық түрдегі өтініш; сәулет, қала құрылысы және құрылыс қызметі саласындағы аттестатталған сарапшының техникалық қорытындысының (тұрғын үйді техникалық тексеру нәтижелері бойынша) электрондық көшірмесі;

3) ақпараттық жүйеде жетім балалар мен ата-анасының қамқорлығынсыз қалған балалар бойынша мәліметтер болмаған кезде: электрондық түрдегі өтініш; жалғыз немесе екі ата-ананың жоқтығын және/немесе заңды өкіл мәртебесін растайтын құжаттардың электрондық көшірмелері.

Пәтерлер мен тұрғын емес бөлмелердің иелері үйдің ортақ мүлкін жақсы жағдайда ұстауға және оның қауіпсіз пайдалануын қамтамасыз етуге міндетті, соның ішінде ағымдағы және күрделі жөндеуді жүргізу қажет (Қазақстан Республикасы «Тұрғын үй қатынастары туралы» заңының 34-2-бабы). Ортақ мүлікке кіретіндер: подъездер (кіреберіс), шатыр, қасбет, инженерлік желілер (су, жылу, кәріз), жертөле және үйдің басқа да ортақ бөліктері.

Жөндеуді ұйымдастыру тәртібі:

1. Жөндеу бастамасы тұрғындардың жалпы жиналысына шығарылады, онда атқарылатын жұмыс тізімі бекітіліп, жобалық ұйым таңдалады және ақаулық актісі жасалады.
2. Жиналыста дауыс беру өткізіледі — шешім көпшілік даусымен қабылданады.
3. Жиналыс хаттамасы дайындалып, төраға мен хатшы қол қояды.
4. Хаттама мен жөндеу туралы өтініш ПИК, МИБ немесе тиісті мемлекеттік органға бекітілген ақаулық актісі мен жобалық ұйымның алдын ала сметасымен бірге жіберіледі.

Мемлекеттік бағдарламаға қатысу: Егер тұрғындардың жеткілікті қаражаты болмаса, олар 2023–2029 жылдарға арналған тұрғын үй-коммуналдық инфрақұрылымды дамыту мемлекеттік бағдарламасына қатыса алады. Бұл үшін өтініш ПИК немесе МИБ басқару органынан «Алматы тұрғын үй» ЖШС-не жолданады. Жөндеу жергілікті бюджет есебінен 8–15 жыл мерзімге қайтарымды негізде қаржыландырылуы мүмкін.

Кеңес алу үшін қайда жүгіруге болады: ПИК, МИБ, үйді басқарушы компания; Алматы қаласы коммуналдық инфрақұрылым және тұрғын үй инспекциясы басқармасы; «Алматы тұрғын үй» ЖШС; немесе «Е-Өтініш» порталы арқылы.

Қазақстан Республикасы Ұлттық экономика министрінің 2015 жылғы               28 тамыздағы №621 (Қазақстан Республикасының Әділет министрлігінде   2015 жыл 25 қыркүйекте №12111 болып тіркелді) бұйрығымен бекітілген Сумен жабдықтау және су бұру жүйелеріндегі суды есепке алу аспаптарын таңдау, монтаждау және пайдалану қағидаларының 4 тармағына сәйкес есепке алу торабын монтаждау, жобалау,  қайта монтаждауды (бастапқы және кейінгі орнату) қосқанда, жабдықтау бойынша барлық жұмыстарды  2014 жылғы                  16 мамырдағы «Рұқсаттар және хабарламалар туралы» Қазақстан Республикасының Заңына сәйкес рұқсаты бар ұйымдар орындайды.

Есепкеалуаспаптарынорнатуды,ауыстырудыжәнетексерудіқолданыстағынормативтермензаңнаматалаптарынақатаңсәйкесқажеттірұқсатқұжаттарыменсертификаттарыбарлицензияланғанкомпанияларғанаорындай алады.

Тұтынушылардың есепке алу аспаптарын өз бетінше орнатуына жол берілмейді. Уәкілетті ұйымды тартпай орнатылған аспаптарды пайдалану есепке алуды жарамсыз деп тануға, сондай-ақ құқықтық және қаржылық салдардың туындауына әкеп соғуы мүмкін.
         Суық суды есепке алу аспаптарын орнатуды, ауыстыруды және тексеруді жүзеге асыратын аккредиттелген ұйымдардың тізбесі «Алматы Су» МКК ресми сайтында «тұтынушылар - барлығы есептегіштер туралы» бөлімінде орналастырылған:(https://almatysu.kz/?page_id=542&lang=ru).