Қазақстанда нысанның өрт қауіпсіздігі талаптарына сәйкестігі туралы сертификатты қалай алуға болады?

«Объектінің өрт қауіпсіздігі талаптарына сәйкестігі туралы қорытынды беру» мемлекеттік қызметін Қазақстан Республикасы Төтенше жағдайлар министрлігінің облыстардың, республикалық маңызы бар қалалардың және астананың төтенше жағдайлар департаменттері көрсетеді.

Өтінішті қалай беруге болады?

1. eGov.kz порталына өтіп, «Объектінің өрт қауіпсіздігі талаптарына сәйкестігі туралы қорытынды беру» қызметін таңдаңыз.

2. Электрондық лицензиялау порталына өту үшін «Онлайн тапсырыс беру» батырмасын басыңыз.

3. Порталда авторизациядан өтіңіз немесе тіркеліңіз.

4. Электрондық өтінішті толтырып, қажетті құжаттарды қоса тіркеңіз.

5. Өтінішке электрондық цифрлық қолтаңбамен (ЭЦҚ) қол қойыңыз.

6. Өтініштің мәртебесін жеке кабинеттегі «Менің өтініштерім» бөлімінен қадағалаңыз.

Қажетті құжаттар:

• ЭЦҚ-мен қол қойылған электрондық өтініш;

• белгіленген тәртіппен бекітілген жобалау (жобалау-сметалық) құжаттамасының көшірмесі;

• оң сараптамалық қорытындының көшірмесі;

• құрылыс конструкцияларының отқа төзімділік шегі мен өрт қауіптілігі сыныбының көрсеткіштерін, сондай-ақ құрылыс материалдарының өрт қауіптілігі көрсеткіштерін қоса алғанда, өнімнің сәйкестігін растайтын құжаттардың көшірмелері.

Мемлекеттік қызмет көрсету мерзімі: 15 жұмыс күні.

Құны: тегін.

Өтінішті қарау барысында уәкілетті орган ұсынылған құжаттарды тексереді және Қағидаларда көзделген объектіні тексеруді жүргізеді.

Қызмет көрсету нәтижесі: объектінің өрт қауіпсіздігі талаптарына сәйкестігі туралы қорытынды немесе мемлекеттік қызмет көрсетуден бас тарту туралы дәлелді жауап.

Нәтиже портал арқылы электрондық нысанда ұсынылады.