Әскери қызметкерлерге курорттық емдеуді қалай алуға болады?

Жолдаманы алғаннан кейін әскери қызметші санаторийлік-курорттық картаны ресімдеу үшін әскери-медициналық мекемеге немесе медициналық бөлімшеге жүгінуі қажет.

Ресімдеу тәртібі

1. Санаторийлік-курорттық емдеуге жолдамамен емдеуші дәрігерге жүгініңіз.

2. Дәрігердің тағайындауы бойынша медициналық тексеруден және қажетті зертханалық әрі аспаптық зерттеулерден өтіңіз.

3. Қазақстан Республикасы Денсаулық сақтау министрінің 2020 жылғы 30 қазандағы № ҚР ДСМ-175/2020 бұйрығымен бекітілген 069/е нысаны бойынша санаторийлік-курорттық картаны алыңыз.

4. Санаторийлік-курорттық ұйымға келу күнін және қабылдаушы ұйымның талаптарын нақтылаңыз.

Санаторийге бару үшін қажетті құжаттар

• № 723 Қағидалардың 3-қосымшасына сәйкес нысан бойынша санаторийлік-курорттық емдеуге жолдама;

• 069/е нысаны бойынша санаторийлік-курорттық карта;

• әскери қызметшінің медициналық кітапшасы.

Жолдама берер алдында дәрігер санаторийлік-курорттық емдеуге медициналық көрсетілімдердің бар-жоғын және қарсы көрсетілімдердің жоқтығын тексереді.