ҚР Президенті жанындағы Мемлекеттік басқару академиясына қалай түсу керек

Магистратура және докторантура бағдарламаларына құжаттарды қабылдау Академияның admission.apa.kz ақпараттық жүйесі арқылы жүзеге асырылады.

Конкурстық іріктеуге қатысу үшін үміткер тиісті оқу жылына арналған Қабылдау қағидаларында көзделген құжаттарды дайындауы қажет.

Негізгі құжаттар тізбесі:

1. Мемлекеттік органның жолдамасы — мемлекеттік қызметшілер үшін.

2. Жеке басын куәландыратын құжаттың электрондық көшірмесі.

3. Қосымшасы бар жоғары білім туралы құжат — магистратура үшін, жоғары оқу орнынан кейінгі білім туралы құжат — докторантура үшін.

4. Мемлекеттік тілді белгіленген деңгейде меңгергенін растайтын QAZAQ RESMI TEST немесе ҚАЗТЕСТ сертификаты — көзделген жағдайларды қоспағанда.

5. Шет тілін меңгергенін растайтын сертификат — міндетті болып табылатын білім беру бағдарламалары үшін.

6. Еңбек қызметін және қажетті жұмыс өтілін растайтын құжаттар.

7. Функционалдық жұмыс өтілін растайтын құжаттар — жекелеген білім беру бағдарламалары үшін.

8. Зерттеу жұмысының жобасы — докторантура үшін.

9. Электрондық өтініш.

Өтініш беру тәртібі

1. admission.apa.kz сайтына өтіңіз.

2. Тіркеліңіз немесе авторизациядан өтіңіз.

3. Білім беру бағдарламасын және қаржыландыру көзін таңдаңыз.

4. Электрондық өтінімді толтырыңыз.

5. Қажетті құжаттарды тіркеңіз.

6. Өтінішке көзделген тәсілмен қол қойып, жіберіңіз.

7. Жеке кабинетте өтінімнің мәртебесін қадағалаңыз.

Құжаттарға, сертификаттарға және жұмыс өтілін растауға қойылатын талаптар қолданыстағы Қабылдау қағидаларымен айқындалады.