Вакцинация қалай жүргізіледі

Ересектер Профилактикалық екпелердің ұлттық күнтізбесіне, кәсіптік тәуекелдерге, денсаулық жағдайына және эпидемиологиялық көрсетілімдерге сәйкес профилактикалық вакцинациялауға жатады.

Жоспарлы ревакцинация

16 жастан бастап дифтерия мен сіреспеге қарсы ревакцинация әр 10 жыл сайын жүргізіледі.

Кәсіптік көрсетілімдер бойынша вакцинациялау

Қызметі инфекциялық ауруларды жұқтыру қаупінің жоғары болуымен байланысты қызметкерлер үшін жекелеген профилактикалық екпелер көзделген.

Мұндай санаттарға медицина қызметкерлері, зертхана қызметкерлері, жануарлармен байланыста жұмыс істейтін қызметкерлер және заңнамада айқындалған басқа да топтар жатуы мүмкін.

Денсаулық жағдайына байланысты вакцинациялау

Азаматтардың жекелеген санаттарына профилактикалық екпелер медициналық көрсетілімдер мен қауіп топтарына жататындығы ескеріле отырып жүргізіледі.

Эпидемиологиялық көрсетілімдер бойынша вакцинациялау

Қосымша вакцинация мынадай жағдайларда жүргізілуі мүмкін:

• инфекциялық аурулардың таралу қаупі туындаған кезде;

• инфекциялардың табиғи ошақтарында тұрған немесе жұмыс істеген кезде;

• инфекция көзімен байланыста болғаннан кейін;

• шұғыл профилактиканы қажет ететін жануарлар тістеген немесе жарақат алған жағдайларда.

Вакцинация қажет болған жағдайда медициналық көрсетілімдер мен қарсы көрсетілімдерді бағалау, сондай-ақ екпе мерзімдерін нақтылау үшін медициналық ұйымға жүгініңіз.