Вакцинация қалай жүргізіледі

Қазақстан Республикасында балаларға жоспарлы профилактикалық екпелер Қазақстан Республикасы Үкіметінің 2020 жылғы 24 қыркүйектегі № 612 қаулысында белгіленген мерзімдерге сәйкес жүргізіледі.

Профилактикалық екпелердің ұлттық күнтізбесі

• Өмірінің 1–4-күні: туберкулез (БЦЖ), В вирустық гепатиті.

• 2 ай: В вирустық гепатиті, полиомиелит, көкжөтел, дифтерия, сіреспе, b типті гемофильді инфекция, пневмококк инфекциясы.

• 3 ай: полиомиелит, көкжөтел, дифтерия, сіреспе, b типті гемофильді инфекция.

• 4 ай: В вирустық гепатиті, полиомиелит, көкжөтел, дифтерия, сіреспе, b типті гемофильді инфекция, пневмококк инфекциясы.

• 12–15 ай: полиомиелит, пневмококк инфекциясы, қызылша, қызамық, эпидемиялық паротит.

• 18 ай: полиомиелит, көкжөтел, дифтерия, сіреспе, b типті гемофильді инфекция.

• 2 жас: А вирустық гепатитіне қарсы бірінші екпе.

• 2,5 жас: А вирустық гепатитіне қарсы екінші екпе.

• 6 жас: көкжөтел, дифтерия, сіреспе, қызылша, қызамық, эпидемиялық паротит.

• 11 жас: қыз балаларды адам папилломасы вирусына (АПВ) қарсы вакцинациялау.

• 11,5 жас: АПВ-ға қарсы екінші екпе.

• 16 жас: дифтерия мен сіреспеге қарсы ревакцинация.

Одан әрі дифтерия мен сіреспеге қарсы ревакцинация әр 10 жыл сайын жүргізіледі.

Маңызды! Эпидемиологиялық жағдайға байланысты жекелеген жас топтарын иммундау бойынша қосымша іс-шаралар жүргізілуі мүмкін.

Егер бала жоспарлы екпені өткізіп алса, жеке вакцинациялау кестесін жасау үшін емханаға жүгіну қажет. Екпелердің мерзімдері мен олардың арасындағы аралықтарды өз бетінше өзгертуге болмайды.