Қалай адвокат болуға болады

Қазақстан Республикасының «Адвокаттық қызмет және заң көмегі туралы» Заңының 32-бабына сәйкес адвокат болу үшін Қазақстан Республикасының азаматы:

1. Жоғары заң біліміне ие болуы тиіс.

2. Адвокаттық қызметпен айналысуға үміткер адамдарға заңнамада белгіленген талаптарға сәйкес келуі тиіс.

3. Тағылымдамадан босатылатын жағдайларды қоспағанда, адвокаттар алқасында тағылымдамадан өтуі тиіс.

4. Заңда көзделген жағдайларды қоспағанда, адвокаттық қызметпен айналысуға аттестаттаудан өтуі тиіс.

5. Адвокаттық қызметпен айналысуға лицензия алуы тиіс.

6. Адвокаттар алқасының мүшесі болуы тиіс.

Кім адвокат бола алмайды

Сот әрекетке қабілетсіз немесе әрекет қабілеті шектеулі деп таныған адам, сондай-ақ өтелмеген немесе алынбаған соттылығы бар адам адвокат бола алмайды.

Заңнамада басқа да уақытша шектеулер көзделген, оның ішінде мемлекеттік немесе құқық қорғау қызметінен теріс себептер бойынша босатылған, сыбайлас жемқорлық құқық бұзушылықтар жасаған немесе белгілі бір негіздер бойынша лицензиясынан айырылған адамдарға қатысты шектеулер бар.

Шектеулердің толық тізбесі Қазақстан Республикасының «Адвокаттық қызмет және заң көмегі туралы» Заңының 32-бабының 2-тармағында белгіленген.