Құрылым

Шығыс Қазақстан облысының туризмді дамыту бөлімі туризм саласындағы мемлекеттік саясатты іске асырумен, туристік қызметті үйлестірумен, туристік қызмет нарығын талдаумен және аймақтың туристік ресурстарын қорғаумен айналысады. Бөлім туристік инфрақұрылымды дамытуға жәрдемдеседі, балалар мен жасөспірімдер туристік лагерьлерін қолдайды, туристік бизнестің субъектілеріне әдістемелік көмек көрсетеді және халықтың жұмыспен қамтылуын арттыру мақсатында кәсіпкерлікті дамытуға ынталандырады.

Инвестиция тарту бөлімі халықаралық инвестициялық ынтымақтастықты дамыту және шетелдік инвесторлардың өңірге келуі үшін қолайлы жағдай қалыптастыру бойынша кешенді жұмыс жүргізеді. Бөлімнің негізгі бағыттары – шетелдік инвесторларды іздеу, тарту және сүйемелдеу, өңірдің инвестициялық әлеуетін халықаралық алаңдарда таныстыру, инвестициялық ахуалды жақсарту бойынша талдамалық материалдар мен ұсыныстар дайындау.

Бөлім шетелдік компаниялармен, дипломатиялық өкілдіктермен, халықаралық ұйымдармен өзара іс-қимылды қамтамасыз етеді, сондай-ақ инвестициялық жобаларды бастапқы өтінімнен бастап объектіні пайдалануға беруге дейінгі барлық кезеңде сүйемелдейді. Бұдан бөлек, бөлім кәсіпкерлерге консультациялық қолдау көрсетеді, инвесторлардың міндеттемелерінің орындалуын мониторингтейді және әкімшілік кедергілерді жоюға жәрдемдеседі.

Сыртқы байланыстар бөлімі Шығыс Қазақстан облысының халықаралық ынтымақтастық саласындағы мемлекеттік саясатты іске асыруды үйлестіру және бақылау жұмыстарын жүзеге асырады. Шетелдік серіктестермен өзара іс-қимылды ұйымдастырады, шетелдік делегациялардың ресми қабылдауларын, халықаралық көрмелерге, жәрмеңкелерге және келіссөздерге қатысуды қамтамасыз етеді. Халықаралық және сыртқы экономикалық іс-шаралардың орындалуын бақылау мен ақпарат дайындау жұмыстарын атқарады, сондай-ақ мемлекеттік органдардың актілері мен тапсырмаларының уақытылы орындалуын қамтамасыз етеді. Бөлім азаматтар мен заңды тұлғалардың өтініштерін талдап, ашық деректермен жұмыс жүргізеді және облыс өкілдерінің халықаралық және өңіраралық форумдарға қатысуын үйлестіреді.