ҚОСЫМША БІЛІМ БЕРУ

Облыста қосымша білім беру бағытында 80-нен астам ұйым жұмыс істейді.

Балаларға спорт секциялары мен шығармашылық үйірмелерге тегін қатысу мүмкіндігі берілген. Өңірде 40 мыңға жуық баланы қамтитын 2,2 мыңнан астам спорт секциясы, сондай-ақ 44,4 мыңнан астам баланы қамтитын 3,4 мың үйірме жұмыс істейді.

Сонымен қатар, облыста жыл сайын мемлекеттік шығармашылық («Даму Бала») және спорттық («Арт Спорт») тапсырыстарды іске асыруға қаржы бөлінеді. Оның аясында 4 пен 17 жас аралығындағы 3 мыңнан астам бала спорт секциялары мен шығармашылық үйірмелерге қатысуда.

Қабылданып жатқан шаралар балаларды қосымша біліммен қамтуды арттыруға мүмкіндік береді. Нәтижесінде қамту көрсеткіші 95%-ды (69 372 оқушы) құрап отыр, ал 2025 жылы бұл көрсеткіш 90,4% немесе 67 442 баланы құраған.