Барлық материал

«Шымкент сушар» МКҚК 2026 жылы 4600 гектардан астам ауыл шаруашылығы жерлерін суаруды қамтамасыз етеді

МЕГАПОЛИСТІҢ ЭКОЛОГИЯСЫН ЖАҚСАРТУДА НАҚТЫ ЖОБАЛАР ЖҮЗЕГЕ АСЫРЫЛУДА 🔷 Шымкент қаласында тәулігіне 1000 тоннаға жуық қатты тұрмыстық қалдық шығарылады. Осы мәселені шешу үшін қалдықты жағу арқылы электр энергиясын өндіретін зауыт салу жөнінде «Shaanxi Construction Engineering» компаниясымен инвестициялық келісімге қол қойылды. 🔷 Жоба 2026–2028 жылдары жүзеге асады және 70 тұрақты жұмыс орнын ашуға мүмкіндік береді. Зауыт іске қосылғаннан кейін жылына 365 мың тонна тұрмыстық қалдық өңделіп, 24 МВт/сағ электр энергиясын өндіріледі деп күтілуде. 🔷 Сонымен қатар, экологияны жақсарту бағытында бірқатар жоба қолға алынған. Атап айтқанда 2025 жылы бұрынғы қоқыс полигоны аумағында экосаябақтың құрылысы басталды. Демеушілер есебінен іске асырылап жатқан саябақта жасанды су қоймасы, спорт алаңдары және жаяу жүргіншілер жолдары болады. 🔷 Қошқар ата өзенінің жағалауын абаттандыру кезең-кезеңімен жүргізілуде. Былтыр 3,5 шақырым аумақ абаттандырылса, қазіргі таңда 4,6 км аумақта тиісті жұмыс жүргізілуде. 🔷 Ирригациялық жүйелер арқылы 13 орталық көшенің бойына 85 шақырым жүйемен су берілді. Былтыр қалада 45 жаңа сквер салынып, жалпы саны 90-ға жетті. 27 көшеде 500 мың шаршы метр көгал егіліп, қала аумағында 152 мыңнан астам ағаш отырғызылды.

🌿 Таза өлке – бәрімізге ортақ! 🌿 Бұл ұран әрбір азаматтың табиғатты қорғауға, қоршаған ортаның тазалығын сақтауға деген ортақ жауапкершілігін білдіреді. Таза қала мен таза өлке – біздің денсаулығымыздың, өмір сапамыздың және болашағымыздың кепілі. Әрқайсымыз өз ортамызды таза ұстап, ағаш егіп, қоқысты дұрыс шығарып, табиғатқа жанашырлық танытсақ — еліміз көркейіп, туған өлкеміз гүлдене түседі. 💚 Таза өлке – таза болашақ!

🌳 Орталық саябақта абаттандыру жұмыстары жүргізілді! 🌿

🌳 Дендросаябақта абаттандыру жұмыстары жүргізілді! 🌿 Демеушілердің есебінен саябақ аумағында бірқатар жұмыстар атқарылды: ✨ Негізгі кіру қақпасы маңындағы 2200 м² аумақта тас төсеніштер (брусчатка) жаңартылды; 🏀 4 спорт алаңшасы заманауи талаптарға сай қайта жөнделді; 🎠 Мүмкіндігі шектеулі балаларға арналған 4 арнайы ойын алаңшасы салынды; 🪑 30 орындық (скамейка) орнатылды; 💡 Жарықтандыру жүйесіне қосымша жарықшамдар орнатылды: — 3 метрлік шамдар – 29 дана — 1 метрлік шамдар – 32 дана Бұл жұмыстардың барлығы демеушілердің қаржылай қолдауымен жүзеге асырылып, Дендросаябақтың тұрғындар мен қонақтар үшін жайлы демалыс орнына айналуына үлес қосуда 🌺

🌿 Таза қала — таза ел! Бүгін аудан әкімі аппаратының ұйымдастыруымен теміржол бойларында жалпы сенбілік өткізілді. Сенбілікке аудан әкімі аппаратының қызметкерлері, “Еңбекші” КММ, “Группа Интеко” ЖШС өкілдері мен белсенді тұрғындар қатысты. Іс-шара барысында теміржол бойлары тазартылып, аудан аумағындағы шөптер орылды, қоғамдық аялдамалар жуылып, сондай-ақ жиналған қоқыстар арнайы техникамен шығарылды. 🌱 Сенбіліктің мақсаты — қоршаған ортаны таза ұстау, аудан аумағын абаттандыру және тұрғындардың экологиялық мәдениетін арттыру болдып табылады.

ҚҰРМЕТТІ ОТАНДАСТАР! Баршаңызды Республика күнімен шын жүректен құттықтаймын! Республика күні – халқымыздың рухын көтеріп, елдігімізді нығайтатын, бірлігімізді бекемдеп, ынтымағымызды арттыратын айшықты мереке. Бүгінде татулықты ту еткен бейбіт халқымыздың бағындырған белестері, алған асулары жетерлік. Мемлекетіміздің дамуы тұрақты саясат пен ішкі бірліктің арқасы. Рухы биік, намысы берік бабаларымыздың ғасырлар бойғы асыл мұраты – азаттықты аялау, тағдыры ортақ тұтас халқымыздың татулығын сақтау біздің басты міндетіміз болып табылады. Сіздерді Ұлттық мерекемізбен құттықтай отырып, отбасына қуаныш, молшылық және амандық тілеймін. Еліміздің егемендігі баянды болсын! Ізгі ниетпен: Ә.Оңғар

Құрметті Шымкент қаласының тұрғындары! Сіздерді ұлттық мерекеміз – Қазақстан Республикасы күнімен шын жүректен құттықтаймыз! Бұл күн – еліміздің егемендігі мен мемлекеттілігінің негізі қаланған, тарихи маңызы зор мереке. Біздің ата-бабаларымыз аңсаған азаттықтың, бірліктің және берекенің символы. Шымкент қаласының қалалық жайлы ортаны дамыту басқармасына қарасты жауапты мердігер мекемесі «Жасыл-Жер Шымкент» коммуналдық қызмет көрсету мекемесі Сіздерге осынау айтулы күнде зор денсаулық, отбасыларыңызға амандық, бақ-береке және ырыс тілейді! Біз, қаланың жасыл-желекке толы, көркейген және таза болуы үшін жұмыс істейтін мекеме ретінде, әрбір азаматты туған қаламыздың тазалығы мен сұлулығын сақтауға белсенді үлес қосуға шақырамыз. Республикамыз мәңгі жасасын! Шымкент қаласы өркендей берсін! Ізгі ниетпен, «Жасыл-Жер Шымкент» коммуналдық қызмет көрсету мекемесінің ұжымы.

Шымкент қаласында су шаруашылығын дамыту мәселелері бойынша кеңейтілген жиналыс өтті 2025 жылғы 24 қазан күні Шымкент қаласында су шаруашылығын дамыту мәселелеріне арналған кеңейтілген жиналыс өтті. Іс-шараға орталық және жергілікті атқарушы органдардың, салалық мекемелердің өкілдері мен мамандар қатысты. Жиналыс барысында өңірдің су инфрақұрылымын жетілдіру, су ресурстарын тиімді пайдалану, жаңа технологияларды енгізу және сумен қамту сапасын арттыру мәселелері жан-жақты талқыланды. Талқылаудың маңыздылығын ескере отырып, Министрлік өкілдері жиналысқа қатысып, саланың өзекті бағыттары бойынша ұсыныстар мен пікірлерін білдірді. Олар су шаруашылығын дамытуға арналған мемлекеттік бағдарламалардың орындалу барысын атап өтіп, өңірлік деңгейдегі өзекті проблемаларды шешудің нақты тетіктерін ұсынды. Сонымен қатар, жиналыс аясында «Жобаны басқару» мәселесі қосымша қарастырылды. Бұл бөлімде жобалардың мақсаттарға, мерзімдерге, бюджетке және сапа стандарттарына сай орындалуын қамтамасыз ету, басқару тиімділігін арттыру тәсілдері талқыланды.

Неліктен қала бойынша жаңа саябақтар пайда болуда? Шымкент – еліміздегі ең ыстық қалалардың бірі. ❗️Екінші суретте жасыл аймақтардың қаладағы жайлылыққа қалай әсер ететінін көрнекі түрде көрсету үшін иллюстрация берілген. Бұл – ашық күн мен көлеңкелі аймақтың айырмашылығын түсінуге арналған мысал. Соңғы екі жылда қалада бұрын-соңды болмаған көрсеткішке жетіп, 70 жаңа қоғамдық кеңістік – сквер ашылды. Ыстық климат көлеңкелі әрі жайлы демалыс орындарын қажет етеді, сондықтан қала әкімінің тапсырмасымен әр ауданнан жаңа скверлер, субұрқақтар мен демалыс аймақтары салынуда. Жаңа қоғамдық кеңістіктер қаланы көркейтіп қана қоймай, тұрғындардың сүйікті серуендеу орындарына айналып келеді. Мұнда қала тұрғындары балаларымен серуендеп, ағаш көлеңкесінде демалып, жайлы атмосфераны сезінеді. Шымкент – жасыл, жайлы және әсем қалаға айналуда! 🌳💚