Жиі қойылатын сұрақтар
ІІМ-нің 2014 жылғы 02 желтоқсандағы №862 бұйрығымен бекітілген сәйкестендіру нөмірі бойынша механикалық көлік құралдарын тіркеу қағидаларының 19-тармағына сәйкес көлік құралдарына заңнамаға сәйкес енгізілген шектеулер, сондай-ақ Қазақстан Республикасына кері әкету туралы міндеттемемен уақытша әкелінген көлік құралдарының шетелге әкету мерзімі Бірінғай ақпараттық жүйеге енгізіледі.
Шектеуді алып тастау үшін сізге тиісті тыйым салулар мен шектеулер енгізілген органдар берген тиісті құжаттарды немесе сот шешімдерін ұсына отырып, орналасқан жері бойынша полиция департаментіне жүгіну қажет.
Көлiк құралдарын, жүктердi, жолдарды, жолдағы және басқа да құрылысжайлардың немесе өзге де мүлiктiң бүлінуіне алып келген, материалдық залал келтiрген көлiк құралдары жүргiзушiлерінiң жол жүрісі қағидаларын бұзуы 20 АЕК мөлшерінде айыппұл көзделген
«Қазақстан Республикасының кейбір заңнамалық актілеріне қылмыстық, қылмыстық-процестік заңнаманы жетілдіру және жеке адамның құқықтарын қорғауды күшейту мәселелері бойынша өзгерістер мен толықтырулар енгізу туралы» Қазақстан Республикасының 2019 жылғы 27 желтоқсандағы Заңымен көлік құралын мас күйінде басқарғаны үшін әкімшілік және қылмыстық жауапкершілік күшейтілді (2020 жылғы қаңтарда қолданысқа енгізілді).
Қазір мас күйінде жүргізгені үшін жауапкершілік қоғам үшін нақты ықтимал қауіпті уақтылы жоятын тиімді алдын алу шараларының бірі болып табылады, бұл ретте көзделген санкциялар жасалған іс-әрекеттің ауырлық дәрежесіне сәйкес келеді және тиісті дәрежеде ауыр зардаптардың алдын алады.
Осылайша көлік құралын мас күйінде басқару салдарының ауырлығын ескере отырып, осы құқық бұзушылық үшін баптың санкциясын, оның ішінде градациясын қайта қарау тиімді емес деп ұйғарамыз.
Одан басқа Қазақстан Республикасы Конституциялық сотының 2023 жылғы 27 қазандағы № 34-НП нормативтік қаулысына сәйкес ӘҚБтК-нің 608-бабының 1-бөлігі Конституцияға сәйкес келеді деп танылды.
Сонымен қатар, ӘҚБтК-нің 63-бабы 1-бөлігіне сәйкес әкiмшiлiк құқық бұзушылық жасаған адам әкiмшiлiк жауаптылықтан немесе қолданылған әкiмшiлiк жазадан рақымшылық жасау актiсi негiзiнде, егер көрсетілген акт әкiмшiлiк жаза қолдануды жоятын болса, босатылуы мүмкiн.
Осы баптың 2-бөлігіне сәйкес, рақымшылық жасау туралы актiнi Қазақстан Республикасының Парламентi жекелей анықталмаған адамдар тобына қатысты шығарады.
Осыған орай, «Рақымшылық жасау туралы» актісі бойынша сұрақтар Қазақстан Республикасы Парламентінің құзыретіне жатады.
Әкімшілік іс жүргізуге қатысушылар ЖКО бойынша іс құжаттарымен Бас прокуратураның Құқықтық статистика және арнайы есепке алу комитетінің сайтындағы «ӘІЖБТ» жария секторы бөлімінде таныса аласыз.
Бұл қызмет, сондай-ақ екінші деңгейлі банктердің мобильді қосымшаларында қол жетімді.
- ІІМ-нің 2014 жылғы 2 желтоқсандағы №862 бұйрығымен бекітілген сәйкестендіру нөмірі бойынша механикалық көлік құралдарын тіркеу қағидаларының 22-1-тармағына сәйкес көлік құралын тексеру көлік құралының түсі өзгерген, маркасын, моделін, сәйкестендіру нөмірін немесе шассидің (шанақтың, раманың) нөмірін, жылын көрсетудегі сәйкессіздік және (немесе) қателер түзетілген кезде жүзеге асырылады шығару, түсі, көлемі, қозғалтқыштың қуаты, көлік құралының отыратын орындарының саны.
№862 Қағидалардың 22-2-тармағына сәйкес көлік құралын қарауды ІІО уәкілетті қызметкері көлік құралын тіркеу орны бойынша Мемлекеттік корпорацияның қарап-тексеру пунктінде жүргізеді.
- Қайта жабдықтау – жол жүрісі қауіпсіздігіне ықпал ететін, көлік құралының конструкциясында көзделген құрамдас бөліктер мен жабдық бұйымдарын алып тастау немесе көзделмегендерді орнату.
Көлік құралдарын қайта жабдықтау тәртібі:
- Көлік иесі көлік құралын қайта жабдықтауға рұқсат алу бойынша арызбен Әкімшілік полиция басқармасына (ЖТИ) жүгінеді.
- ӘПБ (ЖТИ) қайта жабдықтауды жүргізу тәртібін түсіндіре отырып, жазбаша жауап береді (ГБЖ (газ баллондық жабдық) орнатылған жағдайда).
- Көлік иесі ГБЖ орнату үшін қарап-тексеру пунктіне жүгінеді.
4.ГБЖ орнатылған соң ҚКС көлік иесіне атқарылған жұмыс актісін және ГБЖ-ң басқада құжаттарын тапсырады (ГБЖ кәлігі, орнату актісі және т.б.)
Әкімшілік құқық бұзушылық туралы іс бойынша іс жүргізуді жүзеге асыратын органның (лауазымды адамның) әрекеттеріне (әрекетсіздіктеріне) және шешімдеріне шағымдану ӘҚБтК-нің 44 және 44-1-тарауларының тәртібімен жүзеге асырылады.
Астана қаласы әкімдігінің 2015 жылғы 21 қазандағы қаулысымен бекітілген Астана аумағында коммуналдық ақылы автотұрақтарды (паркингтерді) пайдалану қағидаларына сәйкес көлік құралдарын коммуналдық ақылы автотұраққа (паркингке) орналастырғаны үшін ақы төлеу тәртібін Астана қ. әкімдігі айқындайды. Ақылы тұраққа (паркингке) көлік құралын қою төлемі, тек қана алдын-ала төлем (аванстық төлем) арқылы өндіріледі.
Өз кезегінде, тұраққа төлеудің әр түрлі төлем жолдарының болуынан мобильді қосымша арқылы төлеу мүмкіншілігінің болмауы, төлем жасамаудың негізі болмайды.
Сіз өздігіңізден әкімшілік айыппұлдың бар екендігін жасалған бұзушылықтың суретін қарауға мүмкіндігі бар Qamqor.gov.kz сайтында, egov.kz бірлескен қосымшаларда, екінші деңгейлі банктердің мобильді қосымшаларында тексере аласыз.
Әкімшілік айыппұлдың бар-жоғын «egov.kz» электрондық үкімет порталында qamqor.gov сайты арқылы тексеруге болады (бұзушылықтын фотосуретін көру мүмкіндігімен). Әкімшілік айыппұлды он-лайн режимде Kaspi.KZ, egov.kz, HandyPay, MyPay, Homebank.kz т.б. интернет-қосышаларында, сондай-ақ екінші деңгей банктердің есеп айырысу-кассалық бөлімшелерде төлеуге мүмкіндік бар.
Айппұлды жоғарыда аталған тәсілдермен төлеу кезінде төлеу туралы белгі автоматты режимде деректер жүйесіне түседі, бұл түбіртекті ішкі істер органдарына ұсыну қажеттілігін жоққа шығарды.