"Қазақстан Республикасы Сауда және интеграция министрлігінің жанындағы жеке кәсіпкерлік субъектілерінің бірлестіктерін аккредиттеудің кейбір мәселелері" Қазақстан Республикасы Сауда және интеграция бірінші вице-министрінің 2022 жылғы 18 қаңтардағы № 28-НҚ бұйрығы

Қазақстан Республикасы Сауда және интеграция министрлігінің жанындағы жеке кәсіпкерлік субъектілерінің бірлестіктерін аккредиттеудің кейбір мәселелері

«Құқықтық актілер туралы» Қазақстан Республикасы Заңының
64-бабына, Қазақстан Республикасы Үкіметінің 2018 жылғы 30 қарашадағы
№ 799 қаулысымен бекітілген Жеке кәсіпкерлік субъектілерінің бірлестіктері мен өзге де коммерциялық емес ұйымдарды аккредиттеуді өткізу қағидалары, аккредиттеудің күшін жою негіздері мен тәртібінің 9-тармағына және
2022 жылғы 18 қаңтардағы № 2-ПР Қазақстан Республикасы Сауда және интеграция министрлігінің жанындағы жеке кәсіпкерлік субъектілерінің бірлестіктерін аккредиттеу жөніндегі комиссия хаттамасына сәйкес БҰЙЫРАМЫН:

1. Қазақстан Республикасы Сауда және интеграция министрлігінің жанында осы бұйрыққа қосымшадағы заңды тұлғалар бірлестіктері аккредиттелсін және оларға аккредиттеу туралы тиісті куәлік берілсін.
2. Осы бұйрықтың орындалуын бақылау Қазақстан Республикасы Сауда және интеграция министрлігінің аппарат басшысына жүктелсін.
3. Осы бұйрық қол қойылған күннен бастап күшіне енеді және таратуға жатады.

         Бірінші вице-министр                                                          Е. Баттаков