Қазақстан Республикасы Сауда және интеграция министрлігінің 2020-2024 жылдарға арналған стратегиялық жоспарын бекіту туралы

2008 жылғы 4 желтоқсандағы Қазақстан Республикасы Бюджет кодексінің 62-бабына сәйкес БҰЙЫРАМЫН:

1. Қазақстан Республикасы Сауда және интеграция министрлігінің (бұдан әрі - Министрлік) 2020-2024 жылдарға арналған стратегиялық жоспары (бұдан әрі - Стратегиялық жоспар) бекітілсін.
2. Стратегиялық жоспардың орындалуына жауапты Министрліктің құрылымдық бөлімшелерінің басшылары жыл сайынғы есепті кезеңнен кейінгі жылдың қаңтар айының 20-сынан кешіктірмей Министрліктің Стратегия және цифрландыру департаментіне Стратегиялық жоспарды іске асыру барысы туралы ақпаратты ұсынуды қамтамасыз етсін.
3. Министрліктің Стратегия және цифрландыру департаменті:

1) осы бұйрықты Қазақстан Республикасының заңнамасында белгіленген тәртіпте Министрліктің веб-порталында орналастыруды қамтамасыз етсін;

2) есептік кезеңнен кейінгі жылдың ақпан айының 15-інен кешіктірмей стратегиялық жоспардың іске асырылуы туралы есепті дайындауды және оны Министрліктің веб-порталында орналастыруда қамтамасыз етсін.

4. «Қазақстан Республикасы Сауда және интеграция министрлігінің 2017-2021 жылдарға арналған стратегиялық жоспарын бекіту туралы»                      Қазақстан Республикасы Сауда және интеграция министрінің 2019 жылғы
   13 қыркүйектегі № 42 бұйрығының күші жойылсын.
5. Осы бұйрықтың орындалуын бақылау Министрліктің жауапты хатшысы  Ж.М. Нөпіровке жүктелсін.
6. Осы бұйрық 2020 жылғы 1 қаңтардан бастап күшіне енеді және бұқаралық ақпарат құралдарында жариялануға жатады.

Министр                                                                                     Б. Сұлтанов