Қазақстан Республикасының Салық кодексіндегі өзгерістер

2026 жылдың 29 қаңтарында Шығыс Қазақстан облысының нотариустары үшін Қазақстан Республикасының 2026 жылдан бастап қолданысқа енгізілген Салық кодексіне енгізілген өзгерістерді түсіндіруге арналған онлайн вебинар өтті.

Вебинарда нотариаттық салық салуға қатысты өзекті мәселелер, сондай-ақ өзгерістер мен толықтырулар енгізілген жаңа Салық кодексінің нормаларын ескере отырып, салық декларациясын тапсыру тәртібі қарастырылды.

Іс-шара Zoom арқылы онлайн өткізілді. Вебинарға Шығыс Қазақстан облысындағы жеке практикамен айналысатын 100-ге жуық нотариус қатысты.

Вебинар қатысушыларға салық заңнамасына енгізілген негізгі өзгерістер бойынша түсініктеме алуға және нақты уақыт режимінде сұрақтар қоюға мүмкіндік берді.