Шахтинск қаласы
Қала 1961 жылы құрылған. Қала аумағы 0,2 мың шаршы км, қалалық әкімшілікте 3 кент бар: Шахан,Долинка, Новодолинский.
2026 жылғы 1 қаңтардағы Шахтинск қаласының және оған іргелес кенттердің халық саны 56 924 адамды құрады, оның ішінде Шахтинск қаласында – 37 980 адам, Шахан кенттерінде – 7 505 адам, Долинка кенттерінде – 5 988 адам және Новодолинский кенттерінде – 5 451 адам.
Қала Қарағанды қаласының оңтүстік-батысында 45 км жерде, Нұра - Тентек өзені салаларының бірінің жағасында орналасқан. Қаланың пайда болуы тентек жоғары сапалы кокстелетін көмір кен орнын игерумен байланысты.
Шахтинск қаласы-Қарағанды облысының өнеркәсіптік ауданы.
«Qarmet» ЖШС КД құрылымдық бөлімшелері «Шахтинская», «Казахстан», «Тентек», Ленин атындағы шахталары, зауыттар — көмір өнеркәсібіндегі қаланың көмір өндіруші кәсіпорындары қаланы дамытудың экономикалық тірегі болып табылады.
«Құрылысмет» ЖШС кәсіпорын № 2 Өндіріс «Qarmet» ЖШС КД бөлімшелерінің бірі болып табылады, онда шахталарда көмір өндіру кезінде пайдаланылатын барлық ұңғыма техникасына жөндеу жүргізіледі. «Апрель-Кулагер» ЖШС - ет және ет өнімдерін өндіру, қайта өңдеу және консервілеу бойынша ірі кәсіпорын. Қаланы жылумен, сумен, электр қуатымен қамтамасыз етуді төмендегідей кәсіпорындар жүзеге асырады: «Шахтинсктеплоэнерго» ЖШС, «Шахтинскводоканал» ЖШС.
2026 жылғы 1 cәуірдегі жағдай бойынша қалада 416 заңды тұлға тіркелген, оның ішінде 3 ірі, 14 орта, 399 шағын.
2025 жылдың IV -тоқсанында бір қызметкердің орташа айлық атаулы жалақысы 536 463 теңгені құрады.
2025 жылы қалада 22 502,2 млн.теңгеге өнеркәсіп өнімі өндірілді немеce 2024 жылдың көлемінен 99% құрады.
Негізгі капиталға салынған инвестициялар 90 643,5 млн. теңге сомасында игерілді, бұл 2024 жылғы көлемнің 67,2% құрайды.
2025 жылдың құрылыс жұмыстарының көлемі 17 915,2 млн. теңгені немесе 2024 жылдың көлеміне 117,6% құрады.
Тұрғын үйді пайдалануға беру 7592,0 ш.м. немесе 2024 жылдың сәйкес кезеңіне 187,3% (4 054 ш. м.) құрады.
Бөлшек сауда көлемі 21 471,6 млн. теңге мөлшерінде немесе 2024 жылғы көлемнен 11,3% - ға артық қалыптасты.
2025 жылды ауыл шаруашылығы өнімдерінің (қызметтерінің) жалпы шығарылымы 5 965,6 млн.теңгені құрады, оның ішінде өсімдік шаруашылығы – 4 811,0 млн. теңге, мал шаруашылығы – 1 133,9 млн. теңге.
2025/2026 оқу жылының басынан қалада 12 күндізгі жалпы білім беретін мектеп жұмыс істейді, онда 7 866 оқушы оқиды, 1 колледж – 988 студент, 16 мектепке дейінгі мекеме, оның ішінде: 8 мемлекеттік, 2 шағын орталық және 6 жеке балабақша, оларда мектепке дейінгі мекемелермен қамтылған балалар саны 2 437 немесе мектеп жасына дейінгі балалардың жалпы санынан 92% құрайды.
Қалада 9 кітапхана, 4 клуб үлгісіндегі мекеме, 1 мұражай, 1 мәдениет және демалыс саябағы жұмыс істейді.
70-тен астам ұлт өкілдері тұратын қалада 7 ұлттық мәдени орталық жұмыс істейді. Олар көптеген мәдени және қоғамдық іс-шаралардың бастамашысы болып табылады. 2026 жылдың басында жекелеген этностардың жалпы санының үлесі: қазақтар – 30%, орыстар – 45,7%, украиндер – 5,7%, немістер – 4,4%, басқа ұлттар – 14,2% құрады.
