Құрылым

Басқарманың жұмыс істеуін қамтамасыз ету, сондай-ақ мемлекеттік функцияларды орындау үшін қажетті тауарларды, жұмыстарды, қызметтерді сатып алуға байланысты мемлекеттік сатып алуды жүзеге асырады, мемлекеттік сатып алу үшін пайдаланылатын ақшаны оңтайлы және тиімді жұмсауды жүзеге асырады.

Денсаулық сақтау, білім беру, мәдениет, дене шынықтыру және спорт, әлеуметтік қамтамасыз ету және қоршаған ортаны қорғау объектілерінің құрылысы бойынша жобалық шешімдердің, құрылыс мерзімдерінің және нормативтік құжаттардың талаптарының сақталуына техникалық қадағалау мен бақылауды жүзеге асырады.

Қарағанды облысының қалалары мен аудандарының жергілікті атқарушы органдарының тұрғын үй құрылысы, сәулет және қала құрылысы қызметі саласындағы мемлекеттік саясатты іске асыру жөніндегі қызметті үйлестіруді жүзеге асырады.

Нәтижеге бағдарланған бюджеттік бағдарламаны әзірлеуді жүзеге асырады, «Құрылыс» бөлімі бойынша Қарағанды облысының даму бағдарламасын әзірлейді, бес жылдық кезеңге арналған облыстың әлеуметтік-экономикалық даму болжамын және бюджеттік параметрлерін қалыптастыру үшін облыстық салалық басқармалармен, қалалар мен аудандар әкімдіктерімен объектілер бөлінісінде коммуналдық меншік объектілерін салуға, қайта жаңартуға және жобалау-сметалық құжаттаманы әзірлеуге арналған шығындарды анықтауға байланысты жұмыстарды ұйымдастыруды жүзеге асырады.

Бухгалтерлік есепті ұйымдастыруды қамтамасыз етеді, қаражаттың дұрыс жұмсалуын бақылауды қамтамасыз етеді, бекітілген қаржыландыру жоспары және т. б. бойынша бюджет қаражатының мақсатты пайдаланылуын жүзеге асырады.