Құрылым

Телерадио хабарларын тарату саласындағы мемлекеттік саясаттың негізгі бағыттарының іске асырылуын қамтамасыз етеді. Орталық және жергілікті атқарушы органдардың телерадио хабарларын тарату мәселелері жөніндегі қызметін үйлестіреді.

Мемлекеттік ақпараттық саясатты жүзеге асыру бойынша мемлекеттік тапсырма мен тапсырыстардың орындалуын тексеруді қамтамасыз етеді.

Мемлекеттік органдар және квазимемлекеттік сектор субъектілерінің баспасөз қызметтерінің жұмысын үйлестіру. Мемлекеттік емес бұқаралық құралдарымен, отандық және шетелдік бұқаралық ақпарат құралдарымен, журналистердің қоғамдық бірлестіктерімен әріптестікті дамыту. 

Бұқаралық ақпарат құралдарын мониторингілеу және теле-, радиоарналардың, мерзімді баспа басылымдарының, ақпараттық агенттіктердың, желілік басылымдардың, интернет-ресурстардың және олардың өнімдерінде, сонымен қатар, телерадио хабарларын тарату операторларының Қазақстан Республикасының «БАҚ туралы», «Телерадио хабар тарату туралы» заң талаптарын сақтауын бақылау.  

БАҚ есепке қою: 1) «Отандық теле-, радиоарнаны есепке қою, қайта есепке алу, куәлігінің телнұсқасын беру» мемлекеттік қызмет, 2) «Теле-, радиоарналарды тарату жөніндегі қызметпен айналысу үшін лицензия беру» мемлекеттік қызмет, 3) «Қазақстан Республикасының аумағында таратылатын шетелдік теле-, радиоарнаны есепке қою, қайта есепке алу, куәлігінің телнұсқасын беру» мемлекеттік қызмет, 4) «Мерзімді баспа басылымдарын, ақпараттық агенттіктерді және желілік басылымдарды есепке қою немесе қайта есепке алу» мемлекеттік қызмет, 5) "Қазақстан Республикасының аумағында таратылатын шетелдiк мерзiмдi баспасөз басылымдарын есепке қою, қайта есепке алу" мемлекеттік қызмет.

БАҚ-тың қызметіне, мемлекеттік және салалық (секторлық) БАҚ  бағдарламалары құзыретіне кіретін мәселелер бойынша  жұмыстарды үйлестіру. Мемлекеттік ақпараттық саясатты жүзеге асыру бойынша мемлекеттік тапсырманың орындалуын тексерілуін үйлестіру.

Мемлекеттік ақпараттық саясатты іске асыру, БАҚ-ын дамытудағы мемлекеттік және салалық (секторлық) бағдарламалары қызметін үйлестіру. Мемлекеттік емес баспа бұқаралық ақпарат құралдарымен, журналистердің қоғамдық бірлестіктерімен әрекеттестікті дамыту.

Мемлекеттік ақпараттық агенттіктер, интернет-ресурстар, желілік басылымдардың қызметін үйлестіреді, мемлекеттік ақпараттық саясатты іске асыру бойынша мемлекеттік тапсырыстың сапасын бақылау. Мемлекеттік емес БАҚ-пен, отандық және шетелдік ақпараттық агенттіктер, интернет-ресурстар, желілік басылымдар, қоғамдық журналистік ұйымдармен ынтымақтастықты дамытады.