Медицина қызметкерлерімен жұмыс кездесуі және жүрмелі медициналық-әлеуметтік сараптама өткізу.

Ақтау қаласынан Бейнеу ауданына ұйымдастырылған іссапар аясында медицина қызметкерлерімен жұмыс кездесуі өткізілді.

 

Кездесудің негізгі мақсаты — № 260 бұйрықтың талаптарын түсіндіру, нормативтік құжаттарды тәжірибеде қолдану мәселелерін талқылау, сондай-ақ медициналық-әлеуметтік сараптаманы (МӘС) сырттай (заочно) жүргізу тәртібіне қатысты түсіндіру жұмыстарын ұйымдастыру.

 

Іс-шара барысында мамандарға өзекті мәселелер бойынша түсіндірмелер беріліп, сұрақ-жауап форматында пікір алмасу өткізілді. Сонымен қатар, сырттай куәландыру тәртібі, құжаттарды қарау және медициналық ұйымдармен өзара іс-қимыл мәселелеріне назар аударылды.

 

Мұндай кездесулер мамандардың кәсіби құзыреттілігін арттыруға, нормативтік талаптарды дұрыс түсінуге және медициналық-әлеуметтік сараптама жүргізу үдерісін жетілдіруге бағытталған.

 

Кәсіби ынтымақтастық пен жүйелі өзара іс-қимыл — сапалы жұмыстың негізі!