Құрылым

Аудан әкімі аппаратының  құжаттамалық қамтамасыз ету, мемлекеттік қызметтер мониторингі және ақпараттар технологиялар бөлімі әкімдіктің іс қағаздарын жүргізумен және әкімдікке түсетін хат-хабарларды өңдеумен айналысады, аппараттың жалпы бөліміне жүктеледі және Қазақстан Республикасының "Әкімшілік рәсімдер туралы" Заңының Қазақстан Республикасы Үкіметінің нормативтік - құқықтық актілерінің талаптарына сәйкес әзірленетін және аудан әкімі бекітетін тәртіппен жүзеге асырылады.

Бөлім аудан әкімінің, әкімдіктің және аудан әкімі аппаратының қызметін ұйымдастырушылық қамтамасыз етуді жүзеге асырады.

Бөлім мемлекеттік құпиялар мәселелерімен, құқық қорғау органдарымен өзара іс-қимылмен, сондай-ақ мобилизациялық дайындықпен айналысады.

Бөлім өз құзыреті шегінде қолданыстағы заңнамалық актілерге сәйкес бюджетті атқару бойынша қаржылық рәсімдерді жүзеге асырады.
"Талғар ауданы әкімінің аппараты" мемлекеттік мекемесінің бюджеттік бағдарламаларының төлқұжаттарын әзірлейді, төлемдер мен міндеттемелер бойынша бюджеттік бағдарламаларды қаржыландыру жоспарларын және оларға есеп айырысуларды жасайды, тауарларды, жұмыстарды және қызметтерді мемлекеттік сатып алуды жүргізеді.

Кадрлармен жұмыс бөлімі мемлекеттік органның кадрларға, оның ішінде мамандықтар мен біліктіліктер бойынша қажеттілігін талдау және жоспарлау жұмыстарын жүргізеді.

Мемлекеттік-құқықтық бөлімі аудан әкімінің және аппараттың қызметін заңдық сүйемелдеу жұмыстарын жүргізеді.