Жиі қойылатын сұрақтар
Қазақстан Республикасының қолданыстағы заңнамасына сәйкес көп балалы отбасылардан шыққан оқушылар үшін тегін тамақ "Әлеуметтік әмиян"жүйесі арқылы автоматты режимде беріледі.
- 1-4сынып оқушылары отбасымәртебесінеқарамастан(барлықбастауышсыныпоқушыларына)тегінтамақалады.
- Көп балалыотбасыларданшыққан5-11(12)сынып оқушылары датегінтамақтануғақұқылы.Олүшінжекеөтініш беру немесеанықтамаларжинауталап етілмейді —жүйемемлекеттікдеректербазасыарқылыкөпбалалыотбасыныңмәртебесіндербестексереді.
- Қызметтіалуүшіната-аналарға: oкөпбалалыотбасыныңмәртебесімемлекеттікақпараттықжүйелердересмиресімделгенінежәнерасталғанынакөз жеткізу; oбаланыңдербесдеректерінөңдеугекелісімберу(әдеттемектепкеқабылдаукезіндересімделеді).
4. Тамақтану туралы хабарлама eGov Mobile мобильді қосымшасына ("Әлеуметтік әмиян" бөлімі) жіберіледі.
Алматыда мемлекеттік білім беру тапсырысын орналастыру бойынша пилоттық жоба жүзеге асырылуда, оған балабақша білімін ваучер арқылы қаржыландыру қолданылады. Жоба Қазақстан Республикасының Білім министрінің 2024 жылғы 30 желтоқсандағы № 372 «Балабақша тәрбиесі мен оқыту үшін мемлекеттік білім беру тапсырысын орналастырудың кейбір мәселелері бойынша пилоттық жоба және білім алушыларға ваучер арқылы қаржыландыруды есепке алу туралы» бұйрығымен бекітілген.
Ваучер — бұл баланың балабақшадағы орнын мемлекеттік білім беру тапсырысы есебінен қаржыландыруды растайтын электрондық құжат. Ол ата-аналарға мемлекеттік немесе жеке меншік балабақшаларды таңдауға мүмкіндік береді.
Ваучерді алу үшін келесі қадамдарды орындау қажет:
- snation.kz порталына кіріңіз.
- Жеке кабинет арқылы немесе kz порталынан авторизациядан өтіңіз.
- Ваучерді рәсімдеу және алу нұсқаулығымен сайттың басты бетінде танысыңыз.
- Баланың деректері мен таңдаған балабақшаны көрсетіп, электрондық өтінішті толтырыңыз.
- Жеке кабинетте ваучерді беру туралы растауды күтіңіз.
Назар аударыңыз: ваучер тек таңдаған ұйымдағы бос орын болған жағдайда беріледі, ал ваучерлер автоматты түрде қолжетімді орындарға сәйкес бөлінеді. Жобаның негізгі мақсаты — мемлекеттік білім беру қаржыландыруының ашықтығын, тиімділігін және бағыттылығын арттыру.
Білім алушыларға қаржылық және материалдық көмек Қазақстан Республикасы Үкіметінің 2008 жылғы 25 қаңтардағы №64 қаулысымен бекітілген «Әлеуметтік қорғалмаған білім алушыларға қаржылық және материалдық көмек көрсетуге бөлінетін қаражатты жұмсау қағидаларына» сәйкес көрсетіледі. Бұл үшін мектептерде «Жаппай оқыту» қоры құрылды.
Көмек түрлері:
- Тегін тамақтану:
- Көп балалы отбасылардан шыққан балаларды қоса алғанда, халықтың әлеуметтік осал топтарынан шыққан 5-11 сынып оқушыларына беріледі.
- Материалдық көмек:
- «Мектепке жол» акциясы аясында 1-11 сынып оқушыларына киім мен мектеп керек-жарақтарын сатып алуға қолдау көрсетіледі.
Көмек алу шарттары:
Бала келесі санаттардың біріне жатуы керек:
- Атаулы әлеуметтік көмек алушылар (АӘК);
- Отбасының табысы ең төменгі күнкөріс деңгейінен төмен;
- Жетім немесе ата-анасының қамқорлығынсыз қалған балалар;
- ТЖ зардап шеккен отбасылар;
- Басқа да санаттар (мектеп/комиссия шешімі бойынша).
Көмек алу тәртібі:
- Санатты растайтын құжаттарды дайындау.
- Мектепке өтініш беру (мемлекеттік қызметтер журналында тіркеледі).
- АӘК санаттары үшін және күнкөріс деңгейінен төмен табыс-Жұмыспен қамту орталығының көмегімен EGOV порталы арқылы беру.
- Қалған санаттар үшін-құжаттар мектепке ұсынылады. Алғашқы екі санат бойынша бас тартылған жағдайда, отбасы жағдайларын зерттеп, тұрғын үй-тұрмыстық жағдайының актісін жасағаннан кейін жағдай 5-санат бойынша қаралуы мүмкін.
Электрондық bilimalmaty.kz порталында қосымша білім беру ұйымдары туралы жан-жақты ақпарат орналастырылған (мемлекеттік және мемлекеттік білім беру тапсырысы бойынша жұмыс істейтін жекеменшік ұйымдар).
Ата-аналар үшін мүмкіндіктер:
- Балаларды келесі бағыттар бойынша үйірмелерге тіркеу:
ғылыми-техникалық, экологиялық-биологиялық, туристік-өлкетану, гуманитарлық, жаратылыстану-математикалық, әлеуметтік-педагогикалық, көркем-эстетикалық және басқа да бағыттар.
Ақпарат алу мүмкіндігі:
- Қосымша білім беру ұйымдары туралы
- Үйірмелер және ондағы бос орындар туралы
- Үйірме жетекшілері туралы
- Басқа да қажетті ақпарат
Электрондық табелдеу
Балалардың үлгерімі мен сабаққа қатысуын қадағалау және ашықтықты қамтамасыз ету мақсатында портал арқылы электрондық табелдеу жүргізіледі, ол жерде ата-аналар баланың сабаққа нақты қатысуын растай алады.
Сенім телефоны
Порталда сондай-ақ 1308 сенім телефоны жұмыс істейді, ол арқылы ата-аналар кеңес алып, немесе өз пікірлерін қалдыра алады.