Темір ауданының Ақсай және Саркөл ауылдық округтерінің әкімдерінің сайлауы жөнінде сайлау округтерін құру туралы

«Қазақстан Республикасындағы сайлау туралы» Қазақстан Республикасының Конституциялық заңының 14-бабының  6) тармақшасына, 21-бабының 4-тармағына, 22-бабына сәйкес Темір аудандық аумақтық сайлау комиссиясы ҚАУЛЫ  ЕТЕДІ:

1. Ақсай және Саркөл ауылдық округтерінің әкімдерін сайлау жөнінде мынадай сайлау округтері құрылсын:

• Ақсай сайлау округі – Ақсай сайлау округінің аумағының шекарасында.
• Саркөл ауылдық округі – Саркөл сайлау округінің аумағының шекарасында.

2. Сайлау округтері мен олардың шекаралары, учаскелік және аумақтық сайлау комиссияларының орналасқан жерлері көрсетіле отырып, аудандық аумақтық сайлау комиссиясының интернет-бетінде және аудандық «Темір» газетінде жариялансын.