Ақтөбе облысының құрылыс, сәулет және қала құрылысы басқармасы

Елімізде жыл сайын тамыз айының екінші жексенбісінде құрылысшылардың мерекесі тойланады. Атаулы күнге орай, құрылыс саласының дамуына елеулі үлес қосқан үздіктерге Қазақстан Республикасы Президентінің Жарлығымен бекітілген мемлекеттік наградалар, салалық министрліктің марапаттары табысталды.

Салтанатты шарада облыс әкімі Асхат Шахаров өңірдегі барлық құрылысшыларды кәсіби мерекелерімен құттықтады.

Қалалық мәдениет үйінде құрылысшылар күніне арналған салтанатты жиын ұйымдастырылды. Шараға Ақтөбе облысының әкімі Ералы Тоғжанов, құрылыс саласының ардагерлері мен қызметкерлері қатысты.

Жиында сөз алған Ералы Тоғжанов құрылысшыларды кәсіби мерекемен құттықтап, өңірдегі оң көрсеткіштерге тоқталды. Жол салу, баспана тұрғызу ісіне өз үлестерін қосып жатқан сала мамандарының ерен еңбегін тілге тиек етті.

«Құрылысшы – құрметті мамандық. Бүгінде аймағымызда құрылыс саласы қарқынды дамып, ел экономикасының, оның ішінде тұрғындардың әлеуметтік жағдайының артуына айырықша ықпал етіп келеді. Ауқымды саланы алға жылжытуда құрылысшылардың еңбегі ерен. 150 жылдан астам тарихы бар қаланың бүгінгідей әсем де көрікті, түрлі әлеуметтік нысандары бой түзеген заманауи облыс орталығы болуы – құрылысшылар легінің мезгілдің ыстық-суығын елемей, күн-түн демей атқарған игі ісінің жемісі. Облысымызда бой көтеріп жатқан әрбір ғимаратта алақандарыңыздың ізі, айырықша қолтаңбаларыңыз бар», – деген облыс әкімі Қобда ауылында жаңа мөлтек ауданның пайда болуына атсалысқан құрылысшыларға алғысын білдірді.

Олар – «Иншаб», «Альянс Б-2» ЖШС, «АйсерСтройСервис», «SK СТАР МОНТАЖ» және Бабэк Құрылыс» компаниялары. Қысқа мерзімде мердігерлер 100 шаршы метрлік 24 үйдің құрылысын аяқтап, халық игіліне берген еді.

Бүгін облыс әкімінің бірінші орынбасары Н.Қалауовтың төрағалығымен облыстың тұрғын үй құрылыс салушыларымен жиналыс өтті.

Күн тәртібінде:
1. Жалдау ақысын субсидиялау тетігін енгізу жөніндегі механизмін түсіндіру;
2. Құрылыс-монтаж жұмыстырының 9 ай қорытындысының көлемі;
3. Мемлекеттік сәулет-құрылыс бақылау саласындағы проблемалық мәселелер.