Жалпы ақпарат

Дін істері басқармасының басшысы
Басқарма жайында
«Ақтөбе облысының дін істері басқармасы» мемлекеттік мекемесі (бұдан әрі – Басқарма) Ақтөбе облысының аумағындағы діни экстремизм мен терроризмнің алдын алу, азаматтардың діни сенім бостандығына құқықтарын іске асыруды қамтамасыз ету және діни бірлестіктермен өзара іс-қимыл жасау саласындағы мемлекеттік саясаттың негізгі бағыттарын қалыптастыруды жүзеге асыратын Қазақстан Республикасының мемлекеттік органы болып табылады.
Мекеменің негізгі міндеттері:
1) Өңірде жұмыс істеп тұрған діни бірлестіктердің, миссионерлердің рухани (діни) білім беру ұйымдарының қызметін зерделеуді және талдауды жүргізеді;
2) уәкiлеттi органға Қазақстан Республикасының дiни қызмет және діни бірлестіктер туралы заңнамасын жетiлдiру жөнінде ұсыныстар енгiзедi;
3) діни қызмет саласындағы мемлекеттік саясатты іске асырады;
4) құқық қорғау органдарына Қазақстан Республикасының діни қызмет және дiни бiрлестiктер туралы заңнамасын бұзған жеке және заңды тұлғалар туралы ақпарат береді;
5) жеке және заңды тұлғалардың өтініштерін, оның ішінде Қазақстан Республикасының дiни қызмет және діни бірлестіктер туралы заңнамасын бұзушылықтарға қатысты өтініштерін қарайды;
6) өз құзыретіне жататын мәселелер бойынша жергілікті деңгейде түсiндiру жұмыстарын жүргiзедi;
7) діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты
үй-жайлардың орналастырылуын келіседі, сондай-ақ ғибадат үйлерінен (ғимараттарынан) тыс жерлерде діни іс-шаралар өткізу туралы діни бірлестіктер берген хабарламаларды қарайды;
8) ғибадат үйлерін (ғимараттарын) салу, олардың орналасатын жерін айқындау, сондай-ақ үйлерді (ғимараттарды) ғибадат үйлері (ғимараттары) етіп қайта бейіндеу (функционалдық мақсатын өзгерту) туралы шешім қабылдайды;
9) діни бірлестіктерді құруға бастамашы азаматтардың тізімдеріне тексеру жүргізуді қамтамасыз етедi;
10) миссионерлiк қызметті жүзеге асыратын адамдарды тіркеуді жүргізеді;
11) «Терроризмге қарсы іс-қимыл туралы» және «Экстремизмге қарсы іс-қимыл туралы» Қазақстан Республикасының Заңдарына сәйкес экстремизм мен терроризмнің алдын алу, жолын кесу және оған қарсы тұру жөніндегі қызметті іс-шараларды жүзеге асырады;
12) қолданыстағы заңнамамен белгіленген өзге де функцияларды жүзеге асыру.