Мектепке тіркелуге өзімнің шағын учаскемді және мектебім қандай шағын учаскеге жататынын қалай білуге болады?

Жүктеу

Тұрғылықты мекенжайдың қай мектепке қарайтынын қалай білуге болады

Шағын учаскені анықтау үшін баланың нақты тұрғылықты мекенжайын, оның ішінде көше атауы мен үй нөмірін білу қажет.

1. Мектептің ресми сайты арқылы

Таңдалған мектептің сайтынан «Шағын учаске», «Қызмет көрсету аумағы» немесе «Бірінші сыныпқа қабылдау» бөлімін табыңыз.

Мектепке бекітілген көшелер мен үйлердің тізімімен танысыңыз.

2. Жергілікті білім беруді басқару органы арқылы

Өз өңіріңіздегі білім басқармасының немесе білім бөлімінің ресми интернет-ресурсына кіріңіз.

Мұндай ресурстарда мектептердің қызмет көрсету аумақтары туралы мәліметтер және оларды бекіту жөніндегі құжаттар жариялануы мүмкін.

3. Қабылдаудың ақпараттық жүйесі арқылы

Өтінішті электрондық түрде берген кезде, егер мұндай тәсіл қолданыстағы қабылдау тәртібінде көзделсе, eGov.kz немесе eGov Mobile арқылы авторизациядан өтіп, OQU ұлттық білім беру платформасын пайдаланыңыз.

4. Мектепке тікелей жүгіну арқылы

Егер шағын учаске туралы мәліметтер сайтта болмаса немесе сұрақтар туындаса, мектептің қабылдау комиссиясына не жергілікті білім беруді басқару органына жүгініңіз.

Жүгінген кезде баланың нақты тұрғылықты мекенжайын көрсетіп, оның таңдалған мектепке бекітілгенін нақтылауды сұраңыз.

Мысалы, Астана қаласының тұрғындары үшін

Астана қаласында тұратын ата-аналар өздерінің тұрғылықты мекенжайы қай мектепке қарайтынын келесі тәсілдермен біле алады:

  2. Мектептерге бекітілген шағын учаскелер туралы ақпаратты табыңыз немесе қолжетімді болған жағдайда «Ең жақын мектепті іздеу» бөлімін пайдаланыңыз.

  3. Баланың тұрғылықты мекенжайын көрсетіңіз немесе мектептерге бекітілген көшелер мен үйлердің жарияланған тізімімен танысыңыз.

  4. Қажетті ақпарат болмаған жағдайда таңдалған мектепке немесе Астана қаласының Білім басқармасына тікелей жүгініңіз.

Маңызды: мектептердің шағын учаскелері өзгеруі мүмкін. Өтініш берер алдында тиісті оқу жылына арналған мектептің өзекті қызмет көрсету аумағын нақтылау ұсынылады.

Жаңарту күні: Көру саны:3745
  2. Тұрғылықты мекенжайдың қай мектепке қарайтынын қалай білуге болады