«Болашақ» бағдарламасымен оқуға түсу

«Болашақ» халықаралық стипендиясы 1993 жылы жетекші шетелдік оқу орындары мен ұйымдарында білікті мамандар даярлау мақсатында тағайындалды.

Бағдарлама бакалавриат, магистратура, докторантура, резидентура бағыттары бойынша оқуды, сондай-ақ кәсіптік тағылымдамадан өтуді көздейді.

Маңызды: бакалавриат бағдарламасы бойынша оқу барлық ниет білдірушілерге қолжетімді емес. 2026 жылдан бастап бұл — бекітілген тізбеге сәйкес келетін жалпы білім беретін пәндер бойынша халықаралық олимпиадалардың және халықаралық ғылыми жобалар конкурстарының жеңімпаздары мен жүлдегерлеріне арналған арнайы конкурстық санат.

Бағдарламаға қатысу үшін таңдалған санаттың талаптарына сәйкес келу және конкурстық іріктеуден өту қажет.