Колледжде білім алуға мемлекеттік тапсырысты қалай алуға болады?

Колледжге түсуге өтінішті қалай беруге болады

Өтінішті eGov.kz электрондық үкімет порталы арқылы онлайн немесе белгіленген тәртіппен таңдалған колледжге тікелей жүгіну арқылы беруге болады.

Өтінішті онлайн беру

1. eGov.kz порталында авторизациядан өтіңіз.

2. «Техникалық және кәсіптік, орта білімнен кейінгі білім беру ұйымдарына құжаттар қабылдау» мемлекеттік көрсетілетін қызметін табыңыз.

3. Өтінішті рәсімдеуге өтіңіз.

4. Оқуға түсуші туралы қажетті мәліметтерді көрсетіңіз.

5. Мамандықтар мен колледждерді таңдаңыз.

6. Егер жүйе талап етсе, қажетті құжаттарды тіркеңіз.

7. Өтінішке қолжетімді электрондық сәйкестендіру тәсілі арқылы қол қойыңыз.

8. Жеке кабинетте өтініштің қаралу нәтижесін қадағалаңыз.

Өтініш беру кезінде төрт колледжде төрт мамандыққа дейін таңдауға болады. Бір талапкер көрсетілген нұсқаларды таңдау мүмкіндігімен бір өтініш береді.

Өтініш беру нәтижесі

Оқуға түсушінің жеке кабинетіне құжаттардың қабылданғаны туралы хабарлама немесе дәлелді бас тарту жіберіледі.

Мамандықты таңдауға, түсу емтихандарына немесе құжаттарға қатысты сұрақтар туындаған жағдайда колледждің қабылдау комиссиясына жүгінуге болады.