Қыс мезгіліндегі қиын метеорологиялық жағдайларда өзіңізді қалай қорғауға болады

Үсіп қалу терінің зақымдалуына және қызаруына, сондай-ақ аяқ-қолдардың өлуіне әкелуі мүмкін. Ауыр зардаптарды болдырмау үшін зардап шеккен адамға уақытында көмек көрсету керек.

Зардап шеккен адамды жылы үй-жайға апарыңыз, үсік шалған дене бөліктерін одан әрі суық тиюден қорғаңыз. Үсік шалған теріні ысқыламаңыз және қатты жылу бөлетін тікелей жылу көздерін пайдаланбаңыз. Қатты үсік шалу немесе дененің қатты тоңу белгілері байқалған жағдайда 103 нөмірі бойынша жедел медициналық жәрдем шақырыңыз.

Науқастарды қармен ысқылау ұсынылмайды, өйткені қолдар мен аяқтардың қан тамырлары өте нәзік, сондықтан олардың зақымдануы мүмкін, ал терідегі пайда болған микрожырымдар инфекцияның пайда болуына ықпал етеді.

Үсіп қалған аяқ-қолдарды оттың жанында тез жылытуға болмайды, жылытқы және сол сияқты жылу көздерін бақылаусыз қолдануға болмайды, өйткені бұл үсіктің ағымын нашарлатады. Алғашқы медициналық көмектің қолайсыз және тиімсіз нұсқасы – майлармен, тоңмайлармен ысқылау, қатты үсіген терілерді спиртпен ысқылау.

Зардап шеккендерге жылыну үшін ыстық сусын, ыстық тамақ беру керек, алғашқы медициналық көмек көрсету шараларын өткізумен бірге жедел медициналық көмекке жүгіну керек.

Дәрігерге барудың себептері:

- үсіп қалған кезде – егер мұздатылған жерде күйік сияқты күлдіріктер пайда болса, олардың ішінде қанды сұйықтық болса; егер жылыту кезінде дененің үсіген бөлігі ісінсе; егер аяқ-қол немесе оның бөлігі сезімталдығын жоғалтса және ол жылынғаннан кейін қайтып орнына келмесе.

 - қатты тоңу кезінде –сананың шатасуы және өздігінен қозғалуға қабілетсіздік.