Азаматтығы жоқ адамдарға куәліктер және Қазақстан Республикасында тұрақты тұратын шетелдіктердің тұруына ықтиярхат

"Азаматтарға арналған үкімет" мемлекеттік корпорациясы" КЕАҚ-ға ұсыну үшін қажетті құжаттар:

Көрсетілетін қызметті алушы өзі (сот әрекетке қабілетсіз деп таныған балалар мен азаматтар, олардың заңды өкілдері (ата-аналары, қорғаншылары, қамқоршылары) өкілдік етуге өкілеттігін растайтын құжаттарды ұсына отырып өтініш жасаған кезде):

1) Мемлекеттік корпорацияда көрсетілетін қызметті берушіге электрондық өтінімді ШҚТ ТП арқылы ресімдеу кезінде:

 - азаматтығы жоқ адамның куәлігіне:

1. қолданылу мерзімі өткен шетелдік паспорт;

2. азаматтығы жоқ адамның куәлігі не оның Цифрлық нысаны;

3. 1974 жылғы үлгідегі бұрынғы КСРО паспорт;

4. әскери билет;

5. бас бостандығынан айыру орындарынан босату туралы анықтама;

6. Қазақстан Республикасы Президентінің Жарлығы бойынша Қазақстан Республикасының азаматтығынан шығу және азаматтықты өзгерту, сондай-ақ Қазақстан Республикасы ратификациялаған халықаралық шарттарға сәйкес азаматтықты өзгерту туралы анықтама;

7. туу туралы куәлік (он алты жасқа дейінгі адамдарды ресімдеу кезінде) не оның Цифрлық көшірмесі;

8. Қазақстан Республикасының шетелдегі мекемелері беретін қайтып оралуға арналған куәлік (шетелде уақытша болған азаматтығы жоқ адамның куәлігін жоғалтқан кезде);

- тұруға ықтиярхат:

1. жарамды шетелдік паспорт.

2. Құжат үшін мемлекеттік баж төленгені туралы түбіртек (Салық кодексінің 622-бабына сәйкес мемлекеттік баж төлеуден босатылған тұлғалар растайтын құжаттарды ұсынады).

Тұрғылықты жері бойынша тіркелгенін растайтын мәліметтерді көрсетілетін қызметті беруші ШҚТ ТП-дан алады.

ШҚТ ТП арқылы мемлекеттік қызметті көрсету кезінде көрсетілетін қызметті алушыны суретке түсіру ШҚТ ТП-да халықаралық стандарттардың талаптарына сәйкес және ақысыз жүргізіледі.

Көрсетілетін қызметті алушының фотобейнесі электрондық формулярға суретке түсіру жолымен, көрсетілетін қызметті алушының қолы – қол қою сканері арқылы енгізіледі.

2) көрсетілетін қызметті берушінің – қағаз жеткізгіште ресімдеу кезінде:

- азаматтығы жоқ адамның куәлігіне:

- 1974 жылғы үлгідегі бұрынғы КСРО паспортының немесе оның жоғалуының, сондай-ақ жеке басын куәландыратын құжаттарды беру туралы алғаш рет өтініш берген 18 жастан асқан адамдардың туу туралы куәлігінің негізінде:

1. 1974 жылғы үлгідегі бұрынғы КСРО паспортының түпнұсқасы;

2. туу туралы куәліктің түпнұсқасы;

3. азаматтығы жоқ адам деп тану туралы қорытынды;

4. азаматтығы жоқ адам мәртебесін беру туралы анықтама;

- тұруға ықтиярхат:

1. жарамды шетелдік паспорт.

2. Құжат үшін мемлекеттік баж төленгені туралы түбіртек (Салық кодексінің 622-бабына сәйкес мемлекеттік баж төлеуден босатылған адамдар растайтын құжаттарды ұсынады).

3. Формулярды толтыру сәтінде көрсетілетін қызметті алушының жасына сәйкес келетін көлемі 3,5 х 4,5 сантиметр екі фотосурет.