1 отырысының хаттамасы

Жетісу облысы әкімдігінің жанындағы

үкіметтік емес ұйымдармен өзара іс-қимыл және ынтымақтастық жөніндегі кеңестің 1 отырысының хаттамасы

 

 

  Талдықорған қаласы                            №1                        «   28  »    сәуір   2023 жыл

 

 

Кеңестің төрағасы: Жетісу облысы әкімінің орынбасары Р.Али

 

Қатысушылар: облыс әкімдігінің жанындағы үкіметтік емес ұйымдармен өзара іс-қимыл және ынтымақтастық жөніндегі кеңес мүшелері (тізім бойынша), үкіметтік емес ұйымдар, бұқаралық ақпарат құралдарының өкілдері.

 

Күн тәртібі:

  • Қаратал, Кербұлақ, Көксу аудандарында жергілікті атқарушы органдарының үкіметтік емес ұйымдармен өзара іс-қимыл және ынтымақтастық жөніндегі жұмыстары

(Қ. Қасымов, Н. Аденов, Д. Халелов)

 

Кеңес ұсынады:

  • Қаратал, Кербұлақ, Көксу аудандарында жергілікті атқарушы органдардың үкіметтік емес ұйымдармен өзара іс-қимыл және ынтымақтастық жөніндегі жұмыстары туралы есептері назарға алынсын.
  • Мемлекеттік әлеуметтік тапсырыс аясындағы жобаларды «Мемлекеттік әлеуметтік тапсырысты қалыптастыру, оның іске асырылу мониторингі және нәтижелерін бағалау қағидаларына» сәйкес жүзеге асыру.
  • Мемлекеттік әлеуметтік тапсырыс аясында ұйымдастырылатын конкурстар мен өткізілген іс-шаралар туралы ақпараттарды БАҚ-та, сайттарда, әлеуметтік желілерде кеңінен жариялау.
  • ҮЕҰ-дың Дерекқорына өз мәліметтерін уақытылы немесе мүлдем тапсырмаған үкіметтік емес ұйымдарды ү.ж. 1 маусымға дейін «Әкімшілік құқық бұзушылықтар туралы» ҚР Кодексінің 489-1-бабына сәйкес жауапкершілікке тарту мәселесін пысықтау.
  • Үкіметтік емес ұйымдардың қызметіне, жүзеге асырып жатқан жобаларына, мемлекеттік әлеуметтік тапсырыс аясында көрсетілген әлеуметтік қызметтер сапасына үнемі мониторинг жүргізу.
  • ҮЕҰ өткізетін іс-шараларға әртүрлі топтардың (қандастар, саяжай тұрғындары, кәсіпкерлер, жұмыссыздар және т.б.) қатысуын қамтамасыз ету;
  • Әрекетсіз ҮЕҰ санын азайту үшін заң аясында шаралар қабылдау;
  • ҮЕҰ бір-бірімен тәжірибе алмасу үшін тренингтер, дөңгелек үстелдер және т.б. кешенді іс-шаралар ұйымдастыру.
  • Салалық принциптер бойынша ҮЕҰ жұмыс жүргізу;
  • Аудан (қала) әкімдігі немесе бөлімдер жанынан құрылған консультативтік - кеңесші органдардың жұмысына ҮЕҰ тарту;

Көксу ауданының әкімдігіне:

  • «Қоғам және отбасылық құндылықтары» қоғамдық бірлестігінің кеңсе мәселесін қарастыру;

Қабылданған шешімдер және атқарылған жұмыстар туралы ақпаратты 2023 жылғы 1 маусымға дейін ұсыну қажет.

 

  1. Азаматтық бастамаларды қолдау орталығы арқылы гранттық қаржыландыруға ұсынылатын жобалардың тақырыптарын  бекіту

(А. Башбаев)

 

Кеңес ұсынады:

  • Қоғамдық даму басқармасының басшысы Башбаев Айдар Карбозұлының хабарламасы назарға алынсын.
  • «Азаматтық бастамаларды қолдау орталығы» КЕАҚ гранттық қаржыландыруды жүзеге асыру үшін келесі бағыттағы жобалар ұсынылсын:

- Жастар арасында волонтерлік бастамаларды қолдау;

- Пікірталас қозғалысын дамыту және насихаттау;

- Балалар үйінің түлектерін қолдау;

- КТК ойындарын қолдау;

- Жастар арасында есірткі мен олардың прекурсорларының таралуы мен қолданылуының алдын алу;

- Ұлттық құндылықтар және патриоттық тәрбие;

- Алаяқтық схемалар мен «Инфобизнесмендерді» әшкерелеу арқылы алаяқтық жағдайларының алдын алу және қаржылық сауаттылықты арттыру.

 

 

Кеңестің төрағасы,

Облыс әкімінің орынбасары                                  Р. Али

 

 

Кеңестің хатшысы                                                    С. Тазабекова

 

Жарияланған күні

23 мамыр 2023 09:43

Жаңарту күні

23 мамыр 2023