Жезқазған қаласындағы құрылыс объектілерінде еңбек және өнеркәсіптік қауіпсіздік талаптарын сақтау бойынша профилактикалық түсіндіру жұмыстары жүргізілді. Іс-шара Ұлытау облысы бойынша Мемлекеттік еңбек инспекциясы департаменті және Ұлытау облысы Төтенше жағдайлар департаментінің Өнеркәсіптік қауіпсіздік басқармасы мамандарымен бірлесіп өткізілді.
Түсіндіру жұмыстары барысында құрылыс объектілерінде пайдаланылатын мұнаралы крандардың қауіпсіз пайдаланылуына ерекше назар аударылды. Жауапты тұлғаларға мұнаралы крандарды пайдалану кезінде өнеркәсіптік қауіпсіздік талаптарын сақтау, жүк көтеру жұмыстарын қауіпсіз ұйымдастыру, техникалық жай-күйін бақылау және қауіпті аймақтарда қауіпсіздік шараларын қамтамасыз ету қажеттілігі түсіндірілді.
Сонымен жұмысшыларға еңбек және техника қауіпсіздігі талаптарын сақтау, жұмыс орындарын қауіпсіз ұйымдастыру, жеке қорғаныш құралдарын пайдалану және құрылыс жұмыстары кезінде қауіп-қатердің алдын алу бойынша түсіндіру жұмыстары жүргізілді.
