«Транстелеком» акционерлік қоғамының уақытша өтемдiк тарифтерін енгізу туралы»26.06.2024ж. № 375/НҚ

«Транстелеком» акционерлік қоғамының уақытша өтемдiк тарифтерін енгізу туралы» Қазақстан Республикасы Цифрлық даму, инновациялар және аэроғарыш өнеркәсібі министрлігі Телекоммуникациялар комитеті төрағасының міндетін атқарушының 2024 жылғы 26 маусымдағы No 375/НҚ бұйрығы.

«Табиғи монополиялар туралы» Қазақстан Республикасының Заңы         8-бабының 15-тармағына және Қазақстан Республикасы Цифрлық даму, инновациялар және аэроғарыш өнеркәсібі министрінің 2019 жылғы                   29 шілдедегі № 181/НҚ бұйрығымен бекітілген Тарифтерді қалыптастыру қағидаларына сәйкес БҰЙЫРАМЫН:

1. «Транстелеком» акционерлік қоғамы үшін келесі қызметтеріне уақытша өтемдік тарифтер бекітілсін:

1) Алматы және Астана қалалар бойынша кәбілдік кәріз арнасында кәбіл-орынды пайдалануға беру – 7 960,27 теңге (ҚҚС-сыз), 1 жыл мерзімге;

2) Алматы және Астана қалаларын қоспағанда, басқа облыстар бойынша кәбілдік кәріз арнасында кәбіл-орынды пайдалануға беру – 3 511,83 теңге (ҚҚС-сыз), 1 жыл мерзімге;

3) кәбілдік кәрізде кәбілді орнатуға техникалық талаптарды әзірлеу және беру, сондай-ақ кәбілдік канализацияның жаңа учаскелерін жобалау, салу үшін – 18 032,41 теңге (ҚҚС-сыз), 1 жыл мерзімге.

2. «Транстелеком» акционерлік қоғамына 2023-2027 жылдарға арналған кәбілдік кәрізін пайдалануға беру қызметтеріне тарифтерді және тарифтік сметаларды бекіту туралы» Қазақстан Республикасы Цифрлық даму, инновациялар және аэроғарыш өнеркәсібі министрлігінің телекоммуникациялар комитеті төрағасының 2023 жылғы 11 ақпандағы № 11/НҚ бұйрығының қолданылуы тоқтатылсын.
3. Байланыс саласындағы тарифтерді талдау және реттеу басқармасы (З. Орысбаева) бұйрықты «Транстелеком» акционерлік қоғамының назарына жеткізсін.
4. Осы бұйрықтың орындалуын бақылау төраға орынбасары О. Кабеновке жүктелсін.
5. Осы бұйрық 2024 жылғы 1 шілдеден бастап қолданысқа енгізіледі.