26.06.2024 ж. № 376/НҚ

«Қазақтелеком» акционерлік қоғамының уақытша өтемдiк тарифтерді бекiту туралы» Қазақстан Республикасы Цифрлық даму, инновациялар және аэроғарыш өнеркәсібі министрлігі Телекоммуникациялар комитеті төрағасы міндетін атқарушының 2024 жылғы 26 маусымдағы №376/НК бұйрығы

Қазақстан Республикасы «Табиғи монополиялар туралы» Заңының          8-бабы 15-тармағына және Қазақстан Республикасының Цифрлық даму, инновациялар және аэроғарыш өнеркәсібі министрінің 2019 жылғы 29 шілдедегі № 181/НҚ бұйрығымен бекітілген Тарифтерді қалыптастыру қағидаларының 15-тармағына сәйкес БҰЙЫРАМЫН:

1. «Қазақтелеком» акционерлік қоғамы үшін келесі қызметтеріне уақытша өтемдік тарифтер бекітілсін:

1) кәбілдік кәрізде кәбіл жүргізу үшін техникалық талаптарды әзірлеу –      12 448,53 теңге (ҚҚС-сыз), 1 жыл мерзімге;

2) Алматы, Астана және Шымкент қалалар бойынша кәбілдік кәріз арнасында кәбіл-орынды пайдалануға беру – 8 094,19 теңге (ҚҚС-сыз), 1 жыл мерзімге;

3) Алматы, Астана және Шымкент қалаларын қоспағанда, басқа облыстар бойынша кәбілдік кәріз арнасында кәбіл-орынды пайдалануға беру – 3 214,69 теңге (ҚҚС-сыз), 3 жыл мерзімге.

2. «Қазақтелеком» акционерлік қоғамының уақытша өтемдiк тарифтерді бекiту туралы» Қазақстан Республикасы Цифрлық даму, инновациялар және аэроғарыш өнеркәсібі министрлігінің Телекоммуникациялар комитеті төрағасының 2023 жылғы 23 мамырдағы № 24 бұйрығының күші жойылсын.
3. Байланыс саласындағы тарифтерді талдау және реттеу басқармасы (З. Орысбаева) осы бұйрықты «Қазақтелеком» акционерлік қоғамының назарына жеткізсін.
4. Осы бұйрықтың орындалуын бақылау төраға орынбасары О. Кабеновқа жүктелсін.
5. Осы бұйрық 2024 жылғы 1 шілдеден бастап қолданысқа енгізіледі.