Жиі қойылатын сұрақтар
Азаматтардың еңбек күшi көп өңiрлерден Солтүстiк Қазақстан облысына ерiктi түрде қоныс аударуы Нәтижелi жұмыспен қамтуды және жаппай кәсiпкерлiктi дамытудың 2017-2021 жылдарға арналған «Еңбек» мемлекеттiк бағдарламасына (бұдан әрi — «Еңбек» бағдарламасы) сәйкес жүзеге асырылады.
«Еңбек» бағдарламасы шеңберiнде көшуге субсидия төлеу түрiнде отбасының әрбiр мүшесiне 70 АЕК мөлшерiнде материалдық қолдау көрсету көзделген. Сондай-ақ, жалға берiлетiн тұрғын үйге орналастырылған жағдайда он екi ай iшiнде тұрғын үйдi жалдау бойынша шығыстарды өтеуге субсидиялар төлеу көзделген, төлемдердiң мөлшерi отбасының құрамына және елдi мекенге байланысты болады.
Сонымен қатар, қоныс аударушыларға жұмысқа орналасуға және кәсiпкерлiктi дамытуға жәрдемдесу, қысқа мерзiмдi кәсiптiк курстарға жiберу көзделген.
Облыс аудандары туралы ақпарат (бос орындар, әкiмдiктердiң байланыс деректерi және басқалар) жұмыспен қамтуды үйлестiру және әлеуметтiк бағдарламалар басқармасының сайтында орналастырылған.
МӘМ-ге мұқтаж азаматтарды жолдау Қазақстан Республикасы Денсаулық сақтау және әлеуметтiк даму министрiнiң 2015 жылғы 26 наурыздағы № 165 бұйрығымен бекiтiлген Халықты әлеуметтiк қорғау саласында стационар жағдайында арнаулы әлеуметтiк қызметтер көрсету стандартына және Қазақстан Республикасы Еңбек және халықты әлеуметтiк қорғау министрiнiң 2018 жылғы 29 тамыздағы № 379 бұйрығымен бекiтiлген Арнаулы әлеуметтiк қызметтер көрсететiн ұйымдар қызметiнiң қағидаларына сәйкес жүзеге асырылады.
Стандартқа сәйкес стационарлық үлгiдегi медициналық-әлеуметтiк мекемеде тұруға:
- психоневрологиялық патологиясы бар мүгедек балалар (үш жастан он сегiз жасқа дейiн);
- тiрек-қимыл аппараты бұзылған мүгедек балалар (үш жастан он сегiз жасқа дейiн);
- он сегiз жастан асқан психоневрологиялық аурулары бар 1, 2 топтағы мүгедектер;
- бiрiншi, екiншi топтағы мүгедектер және зейнеткерлiк жасқа толған, өзiне қызмет көрсете алмайтын және денсаулық жағдайы бойынша Арнаулы әлеуметтiк қызмет көрсетуге мұқтаж, өздерiнiң еңбекке жарамсыз көмекке мұқтаж ата-аналарын, жұбайын (ММ) күтiп-бағуға және оларға қамқорлық жасауға мiндеттi еңбекке қабiлеттi кәмелетке толған балалары (жұбайы) жоқ немесе объективтi себептер бойынша оларға тұрақты көмек пен күтiмдi қамтамасыз ете алмайтын жақын туыстары бар (егде жасына байланысты жұбайы (зайыбы) үшiн бiрiншi, екiншi топтағы мүгедектiгi бар, онкологиялық, психикалық аурулары бар, бас бостандығынан айыру орындарында тұрған, психикалық денсаулық орталығында есепте тұрған немесе елден тыс жерлерге тұрақты тұруға кеткен).
МӘМ-де азаматтарды ресiмдеу адамның тұрғылықты жерi бойынша аудандық (қалалық) жұмыспен қамту және әлеуметтiк бағдарламалар бөлiмдерi арқылы, жеке өтiнiшi және «медициналық-әлеуметтiк мекемелерде арнаулы әлеуметтiк қызметтер көрсетуге құжаттар ресiмдеу» мемлекеттiк көрсетiлетiн қызмет стандартында көзделген құжаттар негiзiнде жүзеге асырылады.
«Мемлекеттiк атаулы әлеуметтiк көмек туралы» Қазақстан Республикасының 2001 жылғы 17 шiлдедегi № 246 Заңына сәйкес өмiрлiк қиын жағдайға тап болған отбасылар мемлекеттiк атаулы әлеуметтiк көмек көрсетуге өтiнiш бере алады.
Атаулы әлеуметтiк көмек (бұдан әрi — АӘК) — жан басына шаққандағы орташа табысы шектi мәннен аспайтын адамға немесе отбасына ақшалай нысанда берiлетiн төлем.
Қазiргi уақытта Солтүстiк Қазақстан облысында АӘК көрсету үшiн шектi мән ең төменгi күнкөрiс деңгейiнiң 70%-ын құрайды.
Көмек өтiнiш берген айдан бастап ағымдағы тоқсанға тағайындалады және ай сайын төленедi.
Отбасының әлеуметтiк жағдайына байланысты әлеуметтiк қолдаудың бұл түрi 2 түрге бөлiнедi: шартсыз және шартты.
Шартсыз ақшалай көмек объективтi себептер бойынша (жасы, денсаулық жағдайы, мүгедектiгi, 3 жасқа дейiнгi балаларды күту) өздерiн табыспен қамтамасыз ете алмайтын отбасыларға ғана ұсынылады.
Шартты ақшалай көмек құрамында кем дегенде бiр еңбекке қабiлеттi отбасы мүшесi бар аз қамтылған отбасыларға әлеуметтiк келiсiмшарт жасасқан және барлық еңбекке қабiлеттi азаматтар жұмыспен қамтуға жәрдемдесу шараларына мiндеттi түрде қатысқан жағдайда берiледi.
«Сындарлы қоғамдық диалог — Қазақстанның тұрақтылығы мен өркендеуiнiң негiзi» Қазақстан Республикасының Халқына Жолдауына сәйкес Қазақстан Президентi Қ. Тоқаевтың тапсырмасы бойынша ағымдағы жылдың басынан бастап АӘК алатын отбасылардан шыққан балаларға кепiлдендiрiлген әлеуметтiк пакет ұсынылады. 1 жастан 6 жасқа дейiнгi балалар тамақ өнiмдерiмен және тұрмыстық химия тауарларымен қамтамасыз етiледi. Азық-түлiк жиынтығы балалардың жас санатына байланысты құрамы бойынша ерекшеленедi: 1 жастан 3 жасқа дейiн және 3 жастан 6 жасқа дейiн.
1 жастан 6 жасқа дейiнгi балаларға арналған азық-түлiк себетiнiң құрамы ҚР Денсаулық сақтау министрлiгiнiң ұсынымдары бойынша әзiрленген, жиынтықтар физиологиялық ерекшелiктердi, өнiмдердiң азық-түлiк және энергетикалық құндылықтарының арақатынасын және жасына сәйкес оларды пайдалану нормаларын ескере отырып қалыптастырылған. Жинақтар өсiп келе жатқан ағзадағы дәрумендердiң жетiспеушiлiгiн өтеуге арналған. Азық-түлiк пакетi әр балаға айына бiр рет, атаулы әлеуметтiк көмек тағайындау кезеңiне, гигиеналық құралдар — тоқсанына бiр рет берiледi.
АӘК көрсету үшiн өтiнiш берушiге тек жеке куәлiгiн көрсету қажет.
Көмектi тағайындау мемлекеттiк органдардың 24 ақпараттық жүйесiмен бiрiктiрiлген «Е-Халық» жүйесiнде жүргiзiледi, жоғарыда көрсетiлген жүйелерде өтiнiш берушiлер туралы ақпарат болмаған кезде халықты жұмыспен қамту орталықтарының мамандары деректердi нақтылау үшiн тиiстi мемлекеттiк органдарға сұрау салулар жiбередi.
Адам жеке өзiнiң немесе отбасының атынан АӘК тағайындау үшiн тұрғылықты жерi бойынша халықты жұмыспен қамту орталығына, ал ол болмаған жағдайда — кент, ауыл, ауылдық округ әкiмiне жүгiнедi.
Интернетке қолжетiмдiлiк және электрондық-цифрлық қолтаңба болған кезде өтiнiштi үйден шықпай-ақ «электрондық үкiмет» веб-порталында беруге болады (www.egov.kz).
«Қазақстан Республикасында мүгедектердiң әлеуметтiк қорғалуы туралы» Қазақстан Республикасының 2005 жылғы 13 сәуiрдегi N 39 Заңына және аудандар мен Петропавл қаласы мәслихаттарының шешiмдерiне сәйкес үйде оқитын мүгедек балаларға өтiнiш негiзiнде әлеуметтiк көмек көрсетiледi.
Көмек көрсетудiң мөлшерi мен кезеңдiлiгiн жергiлiктi өкiлдi органдар айқындайды.
Көмек көрсету үшiн жүгiнген кезде өтiнiш берушiнiң өзiмен бiрге сәйкестендiру үшiн жеке басын куәландыратын құжаты болуы қажет.
Қалған құжаттарды «электрондық үкiмет» шлюзi арқылы тиiстi мемлекеттiк ақпараттық жүйелерден алады.
Әлеуметтiк көмек көрсету үшiн өтiнiштер мен құжаттарды қабылдауды «Азаматтарға арналған үкiмет» мемлекеттiк корпорациясы» коммерциялық емес акционерлiк қоғамы және «электрондық үкiметтiң» веб-порталы арқылы жүзеге асырады: www.egov.kz
«Әлеуметтiк көмек көрсетудiң, оның мөлшерлерiн белгiлеудiң және мұқтаж азаматтардың жекелеген санаттарының тiзбесiн айқындаудың қағидаларына» сәйкес облыстың аудандарында және Петропавл қаласында өмiрлiк қиын жағдай туындаған азаматтардың әлеуметтiк осал санаттарына әлеуметтiк көмек төлемдерi көзделген.
Облыстың аудандарында және Петропавл қаласында өмiрлiк қиын жағдай туындаған кезде әлеуметтiк көмек тiс протездеуге, санаториялық-курорттық емделуге, ауруханаға жатуға жол жүруге, коммуналдық қызметтердi төлеуге және отын сатып алуға; студенттердi емдеуге, оқытуға, құжаттарды қалпына келтiруге, бiрiншi қажеттiлiк тауарларын сатып алуға берiледi.
Көмек көрсету үшiн жүгiнген кезде өтiнiш берушi:
- жеке басын куәландыратын құжат (жеке басын сәйкестендiру үшiн талап етiледi);
- адамның табысы туралы мәлiметтер (табыстарды есептемегенде көмек көрсету кезiнде — мәлiметтер ұсынылмайды);
- өмiрлiк қиын жағдайдың туындағанын растайтын акт және / немесе құжат.
Әрбiр жекелеген жағдайда көрсетiлетiн әлеуметтiк көмек мөлшерiн арнайы комиссия айқындайды және оны әлеуметтiк көмек көрсету қажеттiлiгi туралы қорытындыда көрсетедi.
Өмiрлiк қиын жағдай туындаған кезде әлеуметтiк көмек көрсету үшiн азаматтар кент, ауыл, ауылдық округ әкiмiне, қаланың (ауданның) жұмыспен қамту және әлеуметтiк бағдарламалар бөлiмдерiне және «электрондық үкiметтiң» веб-порталына: www.egov.kz жүгiне алады.
67-бапқа сәйкес. «Мемлекеттiк тұрғын үй қорынан тұрғын үйлер беру шарттары», «Коммуналдық тұрғын үй қорынан тұрғынжайлар немесе жеке тұрғын үй қорынан жергiлiктi атқарушы орган жалдаған тұрғынжайлар осы елдi мекенде тұрақты тұратын, тұрғын үйге мұқтаж Қазақстан Республикасының азаматтарына пайдалануға берiледi. Қазақстан Республикасының азаматтарын республикалық маңызы бар қалаларда, астанада есепке қою үшiн кемiнде үш жыл тұрақты тұруы талап етiледi.
Коммуналдық тұрғын үй қорынан тұрғынжайлар немесе жеке тұрғын үй қорынан жергiлiктi атқарушы орган жалдаған тұрғынжайлар тұрғын үйге мұқтаж және есепте тұрған:
1) Ұлы Отан соғысының ардагерлерiне;
1-1) жетiм балаларға, ата-анасының қамқорлығынсыз қалған балаларға;
1-2) "Алтын алқа", "Күмiс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелi "Ана даңқы" ордендерiмен наградталған көпбалалы аналарға, көпбалалы отбасыларға жататын Қазақстан Республикасы азаматтарының пайдалануына берiледi. Азаматтардың аталған санаттарының жиынтық орташа айлық кiрiсi тұрғынжай беру туралы өтiнiш жасау алдындағы соңғы он екi айда отбасының әрбiр мүшесiне республикалық бюджет туралы заңда тиiстi қаржы жылына белгiленген ең төмен күнкөрiс деңгейiнiң 3,1 еселенген мөлшерiнен төмен болуға тиiс;
2) осы Заңның 68-бабының 1-1) — 5), 7,) 8), 10) және 11) тармақшаларында аталған, тұрғын үй беру туралы өтiнiш жасаудың алдында соңғы он екi ай iшiнде жиынтық орташа айлық табысы отбасының әрбiр мүшесiне республикалық бюджет туралы заңда тиiстi қаржы жылына белгiленген ең төменгi күнкөрiс деңгейiнiң 3,1 еселенген мөлшерiнен төмен болатын, халықтың әлеуметтiк жағынан әлсiз топтарына жататын Қазақстан Республикасы азаматтарының пайдалануына берiледi.
Ең төменгi күнкөрiс деңгейiнiң 3,1 еселенген мөлшерiндегi коэффициент мүгедек балаларға қолданылмайды;
3) мемлекеттiк қызметшiлерге, бюджеттiк ұйымдардың қызметкерлерiне, әскери қызметшiлерге, ғарышкерлiкке кандидаттарға, ғарышкерлерге, арнаулы мемлекеттiк орган қызметкерлерiне және мемлекеттiк сайланбалы қызмет атқаратын адамдарға;
4) жалғыз тұрғын үйi Қазақстан Республикасының заңнамасында белгiленген тәртiппен авариялық жағдайда деп танылған Қазақстан Республикасының азаматтарына жататын Қазақстан Республикасы азаматтарының пайдалануына берiледi.
Мемлекеттiк тұрғын үй қорынан тұрғын үй алуға негiздер болған жағдайда азаматтар «Азаматтарға арналған үкiмет» мемлекеттiк корпорациясы» коммерциялық емес акционерлiк қоғамы (ХҚКО) филиалының Халыққа қызмет көрсету жөнiндегi Петропавл қаласының №1, №2, №3 бөлiмдерi арқылы тиiстi өтiнiшпен жүгiнуге құқылы.
Сондай-ақ, қандай да бiр санатқа тиесiлi мәртебесiн растайтын электрондық құжаттар қоса берiле отырып, Egov.kz сайт арқылы өз бетiнше электрондық өтiнiм беруге болады.
Мемлекеттiк тұрғын үй қорынан тұрғын үй беру «Тұрғын үй қатынастары туралы» Қазақстан Республикасының Заңымен (бұдан әрi — Заң) реттеледi.
Заң.ың 74-бабына сәйкес, «Мұқтаждар есебiнде тұратын азаматтарға мемлекеттiк тұрғын үй қорынан тұрғынжай немесе жеке тұрғын үй қорынан жергiлiктi атқарушы орган жалдаған тұрғынжай, … барлық қажеттi құжаттармен бiрге өтiнiш берiлген кезден бастап тiзiмдерде белгiленген кезектiлiк тəртiбiмен берiледi».
Кезектiлiк үйлердiң тапсырылуына қарай iлгерiлетiледi, бұл ретте тұрғын үй мемлекеттiк тұрғын үй қорынан тұрғын үй алуға тiзiмдермен белгiленген кезектiлiк тәртiбiмен берiледi.
Жұмыссыздықтан әлеуметтiк қорғау шаралары ретiнде жұмыспен қамту туралы қолданыстағы заңнамамен мыналар қарастырылған:
- қолда бар бос жұмыс орындарына жұмысқа орналастыру;
- еңбек нарығында сұранысқа ие мамандықтар бойынша қысқа мерзiмдi курстарда оқыту;
- бюджет қаражаты есебiнен еңбекақы төлеудi көздейтiн қоғамдық жұмысқа немесе әлеуметтiк жұмыс орындарына жұмысқа орналастыру;
- кәсiпкерлiк негiздерiне оқыту;
- 583400 теңгеге дейiн грант алу;
- жылдық 6% номиналды сыйақы мөлшерлемесiмен жеңiлдiктi несие беру (қалаларда 19 млн.теңгеге дейiн және ауылдық елдi мекендерде 7,3 млн. теңгеге дейiн) қарастырылған.
Жұмысқа орналасуға жәрдем алу және осы шараларды алу шарттары мен мерзiмдерiн нақтылау үшiн өзiмен бiрге жеке куәлiгi болған жағдайда, жұмыс iздеушi тұрғылықты мекенжайы бойынша орналасқан Халықты жұмыспен қамту орталығына жүгiне алады.