Мемлекеттік қызметшілер күні

маусым-әлемнің барлық мемлекеттік қызметшілері үшін бірыңғай кәсіби мереке. 2013 жылы ҚР Президентінің Жарлығымен бұл күн Қазақстанда мемлекеттік қызметшілер күні болып бекітілді. Бүгін мемлекеттік еңбек инспекциясы басқармасында салтанатты жиналыс өтті. Іс-шарада басқарма басшысы Марат Қосылұлы Омаров қызметкерлерді кәсіби мерекемен құттықтап, «Қызмет» мемлекеттік, банк мекемелері мен қоғамдық қызмет көрсету қызметкерлерінің салалық кәсіптік одағының Солтүстік Қазақстан облыстық филиалы төрағасының Құрмет грамотасын еңбек қауіпсіздігін бақылау және еңбекті қорғау бөлімінің басшысы-мемлекеттік еңбек инспекторы Азат Кенжеболатұлы Көшербаевқа табыс етті.

Сондай – ақ, өз атынан еңбек қатынастарын бақылау бөлімінің бас маманы – мемлекеттік еңбек инспекторы Азат Насенұлы Бейсембинге және еңбек қауіпсіздігі және еңбекті қорғау бөлімінің бас маманы-мемлекеттік еңбек инспекторы Валихан Баймағамбетұлы Құрмашевқа Алғыс хаттар табыс етті.

Салтанатты іс-шара соңында басқарма басшысы Марат Қосылұлы Омаров барлық қызметкерлерге зор денсаулық, бақ-береке және Отанымыз-Қазақстан Республикасының игілігі үшін барлық бастамаларында табыс тіледі.