Сотталғандарды жұмыспен қамту

Сотталғандардың еңбегін ұйымдастыру бөлімі өз қызметінде Қазақстан Республикасының Конституциясын, заңдарын, Қазақстан Республикасының Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.

Міндеттері:

1) ҚАЖ кәсіпорындары мен мекемелерінде, мемлекеттік ұйымдарда және өзге де меншік нысанындағы ұйымдарда сотталғандардың еңбегін ұйымдастыру жөніндегі функцияларды жүзеге асыру;

2) сотталғандарды еңбекке пайдалану заңдылығын бақылауды жүзеге асыру;

3) қылмыстық-атқару жүйесі түзеу мекемелерінің кәсіпорындарында еңбекті қорғау және қауіпсіздік техникасы жөніндегі іс-шаралардың жүзеге асырылуына бақылауды ұйымдастыру;

4) кәсіпорындарды басқаруды жүзеге асыру;

5) кәсіпорындар қызметінің басым бағыттарын айқындау;

6) кәсіпорындардың даму жоспарларын және олардың орындалуы жөніндегі есептерді қарау;

7) кәсіпорындар мүлкінің мақсаты бойынша пайдаланылуын және сақталуын бақылауды жүзеге асыру;

8) қазіргі заманғы талаптарға сай келетін озық технологияларды енгізу, өнімнің жаңа түрлерін игеру жөніндегі саясатты жүргізу, инвестициялық жобаларды іске асыру;

9) кәсіпорындарды мемлекеттік қолдау шараларын әзірлеу және іске асыру;

10) ҚАЖ комитетінің басшылығына кәсіпорындардың ұйымдық-құқықтық нысандарын жетілдіру және шығынды кәсіпорындарды жою мәселелері бойынша ұсыныстар енгізу; ;

11) кәсіпорындардың басшыларын, олардың орынбасарларын және бас бухгалтерлерді тағайындауға ұсынымдарды қарау;