Көп қабатты үйдің тұрғындары өрттен құтқарғаны үшін полиция қызметкерлеріне алғыстарын білдірді

Көру саны:64
Кубрин 22/1 көшесі бойындағы үйдің тұрғыны елордалық полицияға қоңырау шалып, Нұр-Сұлтан қаласы ПД Патрульдік полиция полкі қызметкерлерінің атына алғыстарын білдірді. Бақыт Бауыржанқызының айтуынша шамамен сағат 04.00-де үйдің 4-кіреберісінен түтін шыға бастаған. Қою қара түтін баспалдақтың шабағын басқан. Ол уақытта барлық тұрғындар ұйықтап жатқан. Полиция қызметкерлері пәтерлердің есіктерін қағып, адамдарды шығара бастаған.
Оқиғаны көзбен көрген тұрғын: «Бәрі дәл кинодағыдай көз алдымызда болды»-дейді. «Полиция қызметкерлерінің шұғыл әрекет етуі мені таң қалдырды. Түтінге тұншығып қалмас үшін барлық тұрғындарға өздерімен бірге орамалды сулап алуды ұсынды. Қайсарлық танытқандары үшін мен оларға өте ризамын» -деді Бақыт Бауыржанқызы.
Құтқару операциясы барысында олар 100-ден аса тұрғынды алып шыққан. Аяғы ауыр әйелдер мен балаларды өрт көтергіш құрылғымен эвакуациялаған.
Түтіннің сөнбей қалған темекі тұқылын тастаған баспалдақ шабағының астынан шыққаны анықталды.
05 қараша 2020
05 қараша 2020