Күмісбек пен Қамшыбек Танбаевтар

Менің аталарым Танбаев Күмісбек пен Танбаев Қамшыбек майданға 1942 жылы Жамбыл облысына қарасты Меркі ауданының әскери комиссариатымен шақыртылған болатын. 1913 жылы туған Күмісбек Танбаев Көкшетау қаласының 376-шы қосымша атқыштар полкіне жіберілді. Әскери атағы: қатардағы жауынгер. Кеңес армиясында ол атқыш болып қызмет етеді. Үйге жазған соңғы хатындағы мәліметке қарағанда, атам Калинин майданындағы Ржев қаласында 1237-ші атқыштар полкінің құрамында жауға қарсы соғысқан. Күмісбек Танбаев 1942 жылдың қарашасынан із-түзсіз жоғалғандардың қатарында. Ал 1907 жылы туған атам Танбаев Қамшыбек 407-ші қосымша атқыштар полкіне шақыртылды.1943 және 1945 жылдар аралығында ол атқыш қызметін атқарыпты. Ұлы Отан соғысына қатысқаны үшін атам 1945 жылдың 9 мамырындағы КСРО Жоғарғы Кеңес Президиумының жарлығымен "Германияны жеңгені үшін" медалімен марапатталған. 

Автор: Гүлбану Танбаева – ҚР ИИДМ Автомобиль жолдары комитеті квазимемлекеттік сектормен жұмыс және активтерді басқару басқармасының басшысы