Сыбайлас жемқорлық тәуекелдеріне ішкі талдау жүргізу туралы

Сыбайлас жемқорлық тәуекелдеріне

ішкі талдау жүргізу туралы

«Сыбайлас жемқорлыққа қарсы іс-қимыл туралы» Қазақстан Республикасының Заңы 8-бабының 5-тармағына, «Қазақстан Республикасының мемлекеттік қызметі туралы» Қазақстан Республикасының Заңы 12-бабының                           2-тармағына және Қазақстан Республикасы Сыбайлас жемқорлыққа қарсы іс-қимыл агенттігі   төрағасының 2016 жылғы 19 қазандағы  № 12 бұйрығымен бекітілген Сыбайлас жемқорлық тәуекелдеріне ішкі талдау жүргізудің үлгілік қағидаларының 2-тармағына сәйкес БҰЙЫРАМЫН:

1. Сыбайлас жемқорлық тәуекелдеріне ішкі талдау мынадай бағыттар:

бөлімшелердің қызметін қозғайтын нормативтік құқықтық актілердегі сыбайлас жемқорлық тәуекелдерін анықтау;

бөлімшелердің ұйымдық-басқарушылық қызметінде сыбайлас жемқорлық тәуекелдерін анықтау бойынша жүргізілсін.

2. Осы бұйрыққа 1-қосымшаға сәйкес Қазақстан Республикасының Мәдениет және ақпарат министрлігінде (бұдан әрі – Министрлік) сыбайлас жемқорлық тәуекелдеріне ішкі талдау жүргізудің 2025 жылға арналған кестесі бекітілсін.
3. Осы бұйрыққа 2-қосымшаға сәйкес Министрлікте сыбайлас жемқорлық тәуекелдеріне ішкі талдау жүргізу жөніндегі жұмыс тобы құрылсын.
4. Сыбайлас жемқорлық тәуекелдеріне ішкі талдау жүргізудің жалпы мерзімі 2025 жылғы 16 сәуірден бастап 30 мамыр аралығындағы кезең болып айқындалсын.
5. Осы бұйрықтың орындалуын бақылау Министрліктің аппарат басшысы Р.З. Мұхаметқалиға жүктелсін.
6. Осы бұйрық қол қойылған күнінен бастап күшіне енеді және таратылуға тиіс.

Министр                          қол қойылды                                 А. Балаева